POP 5

Lajmet më të lexuara të 5 minutave të fundit

Kronikë

Meta uron Papa Fraçeskun për 83 vjetorin: Shqiptarët Ju janë mirënjohës, Jeni një shembull frymëzues

Presidenti Ilir Meta ka uruar Papa Françeskun me rastin e 83 vjetorit të datëlindjes së tij. Në urimin e tij, kreu i shtetit e quan Papa Françeskun një dhuratë tejet e çmuar për mbarë botën, teksa ka risjellë në vëmendje vizitën e tij historike në Shqipëri.

Meta uron Papa Fraçeskun për 83 vjetorin: Shqiptarët Ju janë mirënjohës, Jeni një shembull frymëzues

TIRANË- Presidenti Ilir Meta ka uruar Papa Françeskun me rastin e 83 vjetorit të datëlindjes së tij.

Në urimin e tij, kreu i shtetit e quan Papa Françeskun një dhuratë tejet e çmuar për mbarë botën, teksa ka risjellë në vëmendje vizitën e tij historike në Shqipëri. Meta thekson se figura e tij është shumë e rëndësishme për të gjithë popullin shqiptar për shkak të vendimit vendimeve hyjnore, siç i quan presidenti, për shenjtërimin e Nënë Terezës në vitin 2014 si dhe të lumturimit e lartësimit të besimtarëve të devotshëm e klerikëve shqiptarë që u flijuan gjer në sakrificë në shërbim të Hyjit.

Mesazhi i plotë

Shenjtëria Juaj, me rastin e 83 vjetorit të ditëlindjes Suaj, At i Shenjtë, Ju shpreh urimet e mia më të përzemërta dhe të ngrohta. Ju uroj një jetë sa më të gjatë dhe të shëndetshme në shërbim të besimit katolik dhe në përmbushjen e thirrjes e misionit tuaj në shërbim të mbarë njerëzimit.

Ju mbeteni një shembull tejet frymëzues i përkushtimit ndaj Hyjit, modestisë njerëzore dhe një udhërrëfyes i denjë shpirtëror, i paqes dhe i shpresës për të ardhmen.

Ju jeni një dhuratë tejet e çmuar për mbarë botën dhe për besimin katolik duke shpalosur pa reshtur mesazhet e krishtera të dashurisë për Hyjin por edhe për njëri-tjetrin, të cilat janë jo vetëm misioni por edhe përmbledhja e mësimeve të Biblës dhe esenca e vetë Kishës.

Ju vazhdoni t’i kujtoni botës se dashuria e vërtetë mbizotëron mbi urrejtjen dhe ndasinë, dhe se mëshira triumfon mbi çdo ligësi. Përmes udhëheqjes Suaj shpirtërore mbarë bota arrin të dëgjojë dhe kuptojë se me më shumë dashuri dhe mëshirë, duke u shërbyer me përulësi të gjithë njerëzve ne do jemi më humanë dhe më të përafruar me Hyjin.

At i Shenjtë, përulësia Juaj është inkurajim për kombet. Shqiptarët e çmojnë të paharrueshme vizitën Tuaj pastorale në Shqipëri, në vitin 2014, vendimet hyjnore për shenjtërimin e Nënë Terezës, si dhe të lumturimit e lartësimit të besimtarëve të devotshëm e klerikëve shqiptarë që u flijuan gjer në sakrificë në shërbim të Hyjit.

Shqiptarët Ju janë mirënjohës që, falë edhe të vëmendjes dhe mbështetjes Suaj e të Selisë së Shenjtë, vlerat e harmonisë fetare dhe vokacioni evropian i shqiptarëve janë rigjallëruar e ripërtërirë edhe më shumë.

Personalisht Ju shpreh edhe një herë mirënjohjen për emocionet dhe momentet e takimit me Ju në Selinë e Shenjtë vitin e kaluar, dhe Ju siguroj se do të vijoj t’i përcjell me të gjithë fuqinë time dhe të përgjegjësisë institucionale që mbaj, mesazhet Tuaja të vyera për popullin tim dhe në veçanti për rininë e mrekullueshme, që Ju e kujtoni me aq dashuri nga vizita juaj në vendin tim.

Gëzuar Ditëlindjen At i Shenjtë!

Ju uroj një jetë të gjatë, të shëndetshme dhe të mbushur me bekimet e Hyjit!

Me respekt e mirënjohje të thellë, Ilir Meta.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça