Meta uron Pashkët dhe Kardinalin Troshanin, simbolin e vlerave njerëzore: Ndani të mirat me të varfrit

Presidenti Ilir Meta ka uroj besimtarët për festën e Pashkëve përmes një mesazhit të Kardinalit Ernest Simoni Troshani, i cili është simbol i sakrificës dhe përkushtimit të vlerave njerëzore. Në mesazhin e tij, Meta shprehet se në këto ditë të vështira mesazhi më i mirë është ndarja e të mirave me ata që kanë nevojë.

“Një urim të veçantë në Ditën e Shenjtë të Pashkëve për Kardinalin tonë të dashur Ernest Simoni Troshanin, simbolin e rezistencës dhe përkushtimit të pashembullt ndaj vlerave njerëzore dhe idealeve kombëtare.

Me bekimin e Zotit të ketë jetë të gjatë, me plot shëndet e mbarësi!

Në këto ditë të vështira të pandemisë botërore, kur besimtarët katolikë po kremtojnë Pashkët me "dyer të mbyllura", Kardinal Ernest Simoni Troshani me të drejtë na kujton vitet e tij të vuajtjeve dhe torturave çnjerëzore, ku edhe pse i izoluar në qelitë e burgjeve, gjente forcën, kurajën dhe shpresën tek besimi dhe dashuria për jetën dhe njerëzit!

"MOS KINI FRIKË! Lutuni dhe sigurohuni që dashuria e Zotit të përcillet për të gjithë. Thyejeni bukën dhe ndajeni atë dhe të mirat tuaja me të varfërit, sepse po i jep Jezusi. Ju kur ndihmoni të pastrehët dhe të sëmurët, keni bërë punën e Zotit. Sot pasuria më e madhe është ndarja. Besimi përbëhet nga vepra dhe mrekulli, jo vetëm nga fjalë. Zoti nuk është vetëm në kisha. Zoti është kudo, Zoti është edhe brenda qelizave tona", - janë porositë e mençura që jep sot në Festën e Pashkës Kardinali ynë i dashur.

Faleminderit me mirënjohje për këto mesazhe kaq shpresëdhënëse që na jep të gjithëve Ernest Simoni Troshani!”, shkruan Meta.

Lajmi kryesor:

Politika uron besimtarët: Gëzuar Pashkën! Drita e shpresës ndeztë zemrat në këto kohë të vështira

TAG:
• edi rama
• lulzim basha
• pashket
• koronavirusi ne shqiperi