Në kuadër të 75-vjetorit të çlirimit të Shqipërisë, Presidenti i Republikës, Ilir Meta ka dekoruar këtë të martë Organizatën e Veteranëve të Luftës Antifashiste Nacional-Çlirimtare me Dekoratën “Nderi i Kombit”.
Kjo dekoratë vjen me motivacionin “Për kontributin e pashembullt që ka dhënë e jep kjo organizatë në mbrojtjen e idealit të luftës për liri dhe transmetimit tek brezat e rinj të vlerave, sakrificave dhe vetëmohimit të treguar gjatë epopesë së lavdishme të luftës nacionalçlirimtare”.
Meta theksoi se kontributi i veteranëve ka shërbyer në mbrojtje të idealit të luftës për liri dhe ka mbajtur të gjallë vlerat, sakrificat, dhe guximin e jashtëzakonshëm të gjithë atyre që luftuan me trimëri të pashoqe kundër pushtuesve.
Në fjalën e tij përshëndetëse, Presidenti Meta theksoi:
“Jam shumë i nderuar t’i akordoj sot Organizatës së Veteranëve të Luftës Nacional-Çlirimtare, Dekoratën ‘Nderi i Kombit’ me rastin e 75-vjetorit të çlirimit të Atdheut.Kontributi juaj ka shërbyer në mënyrë të jashtëzakonshme në mbrojtje të idealit të luftës për liri, ka mbajtur të gjallë vlerat, sakrificat, dhe guximin e jashtëzakonshëm të gjithë atyre që luftuan me trimëri të pashoqe kundër pushtuesve, por ju edhe me shumë besnikëri i keni transmetuar këto vlera të epopesë së lavdishme të kësaj Lufte Nacional-Çlirimtare edhe te brezat më të rinj. Ne sapo shënuam 75-vjetorin e Çlirimit të vendit, por nderimi dhe kujtimi i paharrueshëm në respekt të thellë të gjithë atyre, që luftuan trimërisht dhe heronjve tanë, të cilët u vetëmohuan për të mbrojtur atdheun dhe lirinë është i rrënjosur thellë një herë e përgjithmonë në zemrat e shqiptarëve falë edhe punës së shkëlqyer që ju të gjithë bashkë bëni.
Lufta Antifashiste Nacional-Çlirimtare na ka ndihmuar të jemi krenarë e ta mbajmë kokën lart gjithmonë. Ju të dashur veteranë që jeni sot midis nesh jeni dëshmia e gjallë e rezistencës dhe fitores së lavdishme kundër pushtuesve, por edhe simbol i qëndresës, dinjitetit dhe kurajës së popullit shqiptar në ditët më të vështira. Shqipëria u rreshtua në anën e koalicionit fitues, por ajo që është më e rëndësishme është se Shqipëria u rreshtua në anën e duhur dhe të drejtë të historisë. Ndaj ne krenohemi me ju, krenohemi me heronjtë tanë, të cilët edhe pse i përkisnin një vendi të vogël dhe për fat të keq të braktisur, treguan një heroizëm të madh dhe ishin të shumtë në numër."
Lajme të tjera
-
Ilir Meta rrëfehet nga qelia: Kam pasur oferta për t’u arratisur! E njoh burgun qysh kur vizitoja Fatos Nanon! Arrestimi im ishte rrëmbim i mirëfilltë
4 Nëntor, 11:31
-
Lobimi në SHBA dhe CEZ-DIA, Meta kërkon lirinë, Kryemadhi ankimon detyrimin e paraqitjes! Monika në SPAK: Do u tregoj të vërtetat e ‘satelitëve’ të Shqipërisë
4 Nëntor, 09:50
-
Tedi Blushi takim me drejtuesit e PL në SHBA dhe BE, ju përcjell porositë që i ka dhënë Ilir Meta
3 Nëntor, 18:08 -
Meta reagon nga qelia: Pensionistëve u jepet një lëmoshë! Në 11 vite në pushtet Rama i varfëroi
2 Nëntor, 15:24 -
Ilir Meta ‘ndjek’ Ramën nga burgu: Ekzaltimi fals i kryeministrit për negociatat, procesi duhej të ishte mbyllur prej kohësh
1 Nëntor, 19:00 -
Meta në burg, Alibeaj për Report Tv: U arrestua ish-presidenti, e çfarë pastaj, të gjithë para ligjit të barabartë! Berisha kërkon të shesë qeverinë teknike si karamele, i paaftë të fitojë zgjedhjet
1 Nëntor, 17:58 -
A do të bëhej avokat i Ilir Metës? Adriatik Lapaj: S'marr përsipër të përfaqësoj asnjë politikan të akuzuar për korrupsion (VIDEO)
1 Nëntor, 15:01 -
Ylli Pata: Modeli ballkanik i partive të liderëve të burgosur
31 Tetor, 20:16
-
Meta nga burgu: Arrestim im bandidesk për të më izoluar! Provat janë në telefonin e sekuestruar të ish gruas time dhe grupit të saj të ngushtë
30 Tetor, 18:03 -
Nën akuzë për korrupsion, Piro Xhixho paraqitet në SPAK për masën detyrim paraqitjeje (VIDEO)
30 Tetor, 11:19 -
Meta në burg për lobimin në SHBA e dosja CEZ- DIA, Tezja e Kryemadhit tërheq vendimin e GJKKO-së
29 Tetor, 14:24
-
Ylli Pata: Pse Ilir Meta e quan veten si Aldo Moro? Po cili ishte 'kompromisi historik i Likes'?
29 Tetor, 08:02
