POP 5

Lajmet më të lexuara të 5 minutave të fundit

Arkiva

Mete: Buxheti 2013 elektoral; Leskaj: Të ngrihet KKF për politikat fiskale 

TIRANË- Komisioni parlamentar i Ekonomisë dhe Financave shqyrtoi të martën buxhetin faktik të vitit 2013, i cili shoqërohet edhe nga raporti i Kontrollit të Lartë të Shtetit. Buxheti faktik i vitit 2013 u prezantua nga zëvendësministri i Financave, Ervin Mete që e cilësoi këtë buxhet si buxhet elektoral. Sipas tij, filozofia e keqe e menaxhimit të financave publike si dhe performanca e dobët e administratës fiskale çuan në ndryshimin e buxhetit.
"Keqmenaxhimi çoi në rritje të borxhit dhe detyrimeve të prapambetura. Në fund të 9 mujorit të 2013, kishte 9.7 miliardë lekë fatura të papaguara. Pati abuzime të theksuara nga administrata tatimore dhe doganore. 192 raste janë çuar në Prokurori. Qeveria Berisha bënte shpenzime kolosale. Performanca e të ardhurave ishte e dobët dhe u rrit borxhi", u shpreh Mete. Ai vuri në dukje se në 6 mujorin e parë të vitit 2013 pati abuzime më të shumta.
Ndërkohë, kryetari i Kontrollit të Lartë të Shtetit, Bujar Leskaj propozoi ngritjen e Këshillit Kombëtar të Financave në mënyrë që politika fiskale të jetë tërësisht e pavarur dhe teknike. Gjatë diskutimeve për buxhetin e vitit 2013 në Komisionin e Ekonomisë, Leskaj tha se KLSH vlerëson pozitivisht punën e bërë nga qeveria në 2013. Sipas Leskajt, buxheti është hartuar dhe ndryshuar brenda kuadrit ligjor, duke bërë një menaxhim më të mirë të financave, gjë që sipas tij, ka ndikuar që ekonomia shqiptare të përballojë krizën ekonomike globale.
Po ashtu, Leskaj i rekomandoi hartimin e një manuali për matjen e treguesve të borxhit, pasi sipas tij, heqja e tavanit të borxhit ka rritur rriskun. Një tjetër rekomandim i KLSH-së ishte edhe krijimi i një komiteti auditues për zbatimin e buxhetit dhe kontrollin e strukturave të auditit të brendshëm të institucioneve.
Leskaj tha se KLSH vlerëson politikat monetare të Bankës së Shqipërisë për stabilitetin financiar të vendit. Ndërkohë, kreu i KLSH-së bëri të ditur si i ka rekomanduar Bankës së Shqipërisë që të ndryshonte ligjin për pjesën e pagave. Sipas Leskajt, ky rekomandim nuk është marrë parasysh nga ana e Bankës së Shqipërisë. Ai tha se BSH-së i është rekomanduar që anëtarët e Këshillit Mbikqyrës të mos marrin pjesë në borde të tjera drejtuese si dhe në aktivitete politike. ATSh/

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Elbasan/ Dy të rinjtë u larguan nga Komisariati më 31 dhjetor, AMP pezullon nga puna 3 efektivët! Nuk parandaluan arratisjen e tyre

15 Janar, 16:41