Kronikë

Meteorologu Hakil Osmani: Nesër priten vranësira dhe reshje shiu! Nga java e ardhshme rikthehen kthjellimet dhe rritje temperaturash

Moti duke filluar nga pasditja e sotme do të sjellë vranësira në pjesën më të madhe të territorit dhe nesër pritet që të ketë reshje shiu. Meteorologu Hakil Osmani nga Metoalb thotë se reshjet pritet që të jenë në zonën jugore dhe juglindore, ndërkohë që do të jenë më të izoluara në zonat qendrore dhe veriore

Redaksia 4 Shtator 2021, 13:04 | Përditesimi: 4 Shtator 2021, 13:13

Moti duke filluar nga pasditja e sotme do të sjellë vranësira në pjesën më të madhe të territorit dhe nesër pritet që të ketë reshje shiu. Meteorologu Hakil Osmani nga Metoalb thotë se reshjet pritet që të jenë më të pranishme në zonën jugore dhe juglindore, ndërkohë që do të jenë më të izoluara në zonat qendrore dhe veriore.

Sa i takon motit në muajin shtator, Osmani tha se deri me 15 shtator pritet që vendi të jetë nën ndikimin e kthjellimeve dhe temperaturave më të larta se mesatarja.

‘Orët vijuese sjellin prezencë të vranësirave, por nuk do të gjenerojnë reshje shiu, ndërsa vranësirat gjatë ditës së dielë pritet që të ketë reshje shiu. Reshjet e shiut pritet që të jenë në zonën jugore dhe juglindore. Në sasi më të pakët dhe të izoluara do të jenë në zonat qendrore dhe veriore.

LEXO EDHE:
Parashikimi i motit, e enjte, 26 dhjetor

Për sa i përket kushteve të motit deri në 15 shtator pritet që të kemi një shtator të kthjellët. Do të ketë mbizotërim të kthjellimeve. Kjo fillim vjeshte ka nisur me një mot shumë të thatë. Presim një rënie të vlerave termike gjatë ditës së nesërme. Java që vjen sjellë një rritje të vlerave termike.’- tha Osmani.