TIRANE- Shpenzimet kapitale duket se kanë lëvizur nga stanjacioni. Sipas statistikave paraprake të Ministrisë së Financave, rezulton që në dymujorin e parë të vitit janë realizuar 8 miliardë lekë investime, nga 2.6 miliardë të njejtën periudhë të një viti më parë.

Rritja është mëse 207 për qind. Kjo vjen pas një periudhe relativisht të gjatë, gjatë së cilës qeveria është marrë më shumë me pagesën e detyrimeve të prapambetura ndaj privatëve.