POP 5

Lajmet më të lexuara të 5 minutave të fundit

Sport

Michael Ngoo 'rikthehet' në skenë, FIFA bllokon merkaton e Tiranës

Micheal Ngoo, ish-sulmuesi i Tiranës ka paditur në FIFA bardheblutë për një shumë prej 40 mijë eurosh të pa paguar nga nënkampionët e vendit.

Michael Ngoo 'rikthehet' në skenë, FIFA bllokon merkaton e Tiranës

Michael Ngoo me fanellën bardheblu

Michael Ngoo, ish-sulmuesi i Tiranës ka paditur në FIFA bardheblutë për një shumë prej 40 mijë eurosh të pa paguar nga nënkampionët e vendit. Anglezi ka marrë të drejtën nga organi botëror i futbollit, me FIFA-n që deri në pagesën e shumës ka bllokuar merkaton e Tiranës.

Vendimi i FIFA mban datën 3 gusht, me Tiranën që duhet të paguajë lojtarin për të pasur mundësinë e lëvizjeve në merkato. Kjo nuk është e para herë që Tirana humbet gjyqet në FIFA dhe bllokohet, teksa këtë herë shuma është e vogël.

Sulmuesi Ngoo ka qenë pjesë e bardhebluve në dy periudha. Për të parën herë ai u bashkua me Tiranën në verën e 2017, ku qëndroi për tre sezone dhe bëri mirë. Në rikthimin gjatë verës së 2022, anglezi nuk tregoi formë të mirë, teksa pësoi edhe një lëndim.

VENDIMI:

"Duke iu referuar çështjes së përmendur më sipër, si dhe vendimit të marrë nga FIFA, rezulton se, pavarësisht vendimit, pala e paditur FK TIRANA, ende nuk ka përmbushur detyrimet e saj financiare ndaj zotit Michael Ajodeji Ngoo (paditësi). Në këtë drejtim, dëshirojmë të njoftojmë palët se FIFA ka zbatuar një ndalim për regjistrimin e lojtarëve të rinj ndërkombëtarë. Gjithashtu, në përputhje me vendimin e përmendur më sipër, i kërkohet Federatës Shqiptare të Futbollit që të zbatojë menjëherë ndaj palës së paditur, Klubin FK TIRANA, nëse nuk është bërë ende, ndalimin e regjistrimit të lojtarëve të rinj në nivel kombëtar. Ju falënderojmë që keni marre parasysh sa më sipër dhe për bashkëpunimin e vyer në këtë çështje", thuhet në vendimin e FIFA-s.

Duket se te Tirana do reagojnë shpejt për çështjen, teksa shuma prej 40 mijë eurosh pritet të kalojë në llogarinë e lojtarit, për të bërë të mundur që merkato e bardhebluve të zhbllokohet dhe klubi të vijojë normalisht lëvizjet këtë verë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Operacionet kundër krimit të organizuar dhe të kërkuarve, Operacionalja dhe FAST Albania bëjnë trajnime të përbashkëta: Taktikë dhe vetëmbrojtje

Operacionet kundër krimit të organizuar dhe të kërkuarve, Operacionalja dhe FAST Albania bëjnë trajnime të përbashkëta: Taktikë dhe vetëmbrojtje

17 Nëntor, 22:21