Mick rikthen 'në jetë' të atin, me kokoren e Michael Schumacher në Goodwood

FORMULA 1- Piloti i tretë i Mercedes, Mick Schumacher do t'i bëjë një nderim madhështor babait të tij, shtatë herë kampionit të botës Michael Schumacher, në Festivalin e Shpejtësisë në Goodwood këtë fundjavë. Gjatë këtij eventi, Schumacher do të adoptojë kaskën e kuqe dhe veshjen me firmën e babait të tij nga sezoni 2011, bën të ditur ekipi i Mercedesit në një deklaratë zyrtare për shtyp.

Të shtunën dhe të dielën, Mick Schumacher do t'i japë Mercedes W02 në rrugën e shkurtër të Goodwood, makinën e drejtuar nga Nico Rosberg dhe babai Schumacher në sezonin 2011. Me një motor Mercedes V8, audienca gjithashtu do të jetë në gjendje të shijojë tingullin e veçantë të F1. Pra, për të nderuar karrierën e suksesshme të babait të tij, Mick Schumacher do të veshë helmetën dhe kostumin e garave të babait të tij, Michael. Shtatë herë kampioni i botës, Michael prej 2014 është në koma pas aksidentit në pistën e skive në Zvicër.

Festivali i Shpejtësisë në Goodwood është një ngjarje vjetore për të apasionuarit pas sportit motorik. Makina garash nga të gjitha llojet e dekadave dhe klasave të ndryshme, bëjnë xhiro para mijëra spektatorëve gjatë kësaj ngjarje shumëditore.

S.DH/Shqiptarja.com

TAG:
• formula 1
• michael schumacher
• mick schumacher
• Mercedes-Benz