POP 5

Lajmet më të lexuara të 5 minutave të fundit

Kronikë

'Migjeni' nis fluturimet në tre destianacione italiane, Balluku nga Rinasi: Air Albania me çmime 'Low Cost'

Air Albania ka nisur sot fluturimet drejt Italisë. Avioni i dytë i flotës shqiptare ajrore “Migjeni” ka udhëtuar sot në tre destinacione italiane, në Romë, Milano dhe Bolonjë. Kompania shqiptare e krijuar në partneritet me Turkish Airlines, ofron edhe çmime të konkurrueshme për udhëtarët.

“Migjeni” është një prej avionëve të flotës Air Albania. Prej ditës së sotme Air Albania ka filluar zyrtarisht udhëtimet e cila do të mbulojë tre destinacione atë të Romës,Milanos dhe Bolonjës. Udhëtimi i parë ka nisur në orën 6 të kësaj të hëne drejt Romës, më pas në orën 11:30 ka fluturuar drejt Milanos, dhe pasdite niset drejt Bolonjës.

Në kthimin e tij nga Roma për në Rinas, 'Migjeni' është pritur edhe nga ministrja e  Infrastrukturës dhe të Energjisë, Belinda Balluku e cila u shpreh se shqiptarët duhet të ndihen krenar për 'Air Albania' pasi të gjithë do të kenë mundësi që të udhëtojnë me çmimi më konkurruese dhe me komoditetin e garantuar.

“Dua të theksoj që Air Albania është një kompani shqiptare e cila është krijuar për të ofruar çmime më të lira, të cilat ju tashmë keni pasur mundësinë edhe  ti verifikoni përmes prenotimeve online por duke ofruar cilësinë e një kompanie ekselence. Pra çmimet e një kompanie Low Cost por me cilësinë e një kompanie ekselence. Suksese shumë Air Albanias, shpresoj që të gjithë të keni mundësinë ti hipni këtij avioni dhe të ndiheni krenar nën flamurin shqiptar”" tha ajo.

Avioni i ri Boeing 737 800, është prodhim i vitit 2016, i cili ka shërbim të standardeve të larta nga trupa shqiptare e stjuartëve, që nga ushqimi në bord dhe deri tek televizori për çdo pasagjer. “Air Albania është kompania e parë ajrore shqiptare ku përveç komoditetit maksimal ofron dhe çmimet më konkuruese në treg”.

Nëse do të udhëtosh drejt Romës çmimi i një bilete nga Tirana fillon nga 69 euro dhe po aq kushton edhe për të shkuar në Milano, ndërsa fluturimet Tiranë-Bolonja janë edhe më lirë, duke nisur nga 59 euro.

Kompania shqiptare e ajrore është krijuar në partneritet me Turkish Airlines. Ndërkohë fluturimi i parë i Air Albania është kryer drejt Stambollit, dhe tashmë pas Italisë fluturimet pritet të shtrihen në Angli dhe më pas SHBA.

Ndërkohë pak ditë më parë teksa njoftoi fillimin e fluturimeve më 30 shtator, kryeministri Edi Rama, shkruante se pas avionit të parë “Lasgushi” tashmë është “Migjeni” dhe shumë shpejt flotës do ti bashkohet “Naimi” dhe “Noli”.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Juli: 01/10/2019 14:42

    Suksese. Urojme me te Mirèn.

    Përgjigju
  • Miri: 01/10/2019 01:44

    Urime she. Shume Suksese Sa me shpejt ne Kannada dhe Amerike.

    Përgjigju
  • Labi: 30/09/2019 23:54

    A te marte migjeni sa me shpejt

    Përgjigju
  • Gjini: 30/09/2019 21:15

    Kompani Shqiptare po me flamur turk. Tani ne e dim qe aksioner ne kete pjese eshte dhe Turkish airlines, por 51% e kompanise I takon aksionereve shqiptare, keshtu qe neqoftese eshte ashtu siç e heqin, “kompani shqiptare”, të jet flamuri shqiptare ne avion dhe jo ai Turk. Edhe Air Serbia ka 49% te aksioneve qe i takojne Etihad Airways të emirateve po ka flamurin e saj neper aviona

    Përgjigju
  • redi: 30/09/2019 19:04

    Avionet kane emra shume te bukur por te shohim cmimet realisht.Sa per sherbimet dihet qe turkish air line ka kualitet te larte. TIA eshte ajo qe ka 15 vjet qe rrjep shqiptaret nga taksat e larta qe ka.I futi dhe nje shtyrje 2 vjet e gjysem Haxhinasto dhe e kemi akoma ketu ne vend qe ti kthehej shtetit shqiptar sa ne shpejt ne favor te publikut

    Përgjigju
  • Arlindo: 30/09/2019 18:57

    Vendi Mei korruptuar me bote

    Përgjigju
  • Tomo: 30/09/2019 18:54

    You guys are just bullshit

    Përgjigju
  • hako: 30/09/2019 18:49

    Kompanise Shqiptare I uroj suksese,por kam frike qe I kan hyre detit me kembe,sic thote populli.Shume premtime (per cmime te lira) te cilat ka shume pak mundesi qe te mbahen.Biznesi I fluturimeve eshte shume konkurest.Adria Air,kompani shteterore,eshte ne prag falimentimi,megjithese ka shume kohe qe eshte ne treg.

    Përgjigju
    • Andi: 01/10/2019 07:47

      Nuk ka cmime te lira. Mjafton te kontrollosh faqen e tyre te internetit. E nisin nga 69 euro, kur bluepanorama e nis me 50.

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Hetimet e SPAK mbi Kadastrën, arrestohen dy persona për ushtrim të ndikimit të paligjshëm

Hetimet e SPAK mbi Kadastrën, arrestohen dy persona për ushtrim të ndikimit të paligjshëm

26 Prill, 22:49