POP 5

Lajmet më të lexuara të 5 minutave të fundit

Bota

Mijëra bjellorusë në "Marshim për Paqe dhe Pavarësi"! Liderja e opozitës do t'i drejtohet Këshillit të Sigurimit të OKB-së

Një dallgë e madhe njerëzore mbushi kryeqytetin, ku pak gazetarë ishin akoma të autorizuar për të mbuluar ngjarjen, pas arrestimeve dhe revokimit të akreditimeve për shtyp

Dhjetëra mijëra njerëz pushtuan rrugët e Minskut, në Bjellorusi, në të ashtuquajturin "Marshim për Paqe dhe Pavarësi" për të protestuar kundër presidentit të vendit Aleksandër Lukashenko, i akuzuar për mashtrim elektoral në zgjedhjet e 9 gushtit në të cilat ai u rishpall në krye të vendit

Një dallgë e madhe njerëzore mbushi kryeqytetin, ku pak gazetarë ishin akoma të autorizuar për të mbuluar ngjarjen, pas arrestimeve dhe revokimit të akreditimeve për shtyp ditët e fundit kundër reporterëve të mediave të huaja.

Berlini zyrtar ka njoftuar se do të thërrasë ambasadorin e Bjellorusi në Berlin për të dhënë sqarime për këtë çështje, ndërsa Ministri i Jashtëm francez, Jean-Yves Le Drian, deklaroi se "masat arbitrare të miratuara nga autoritetet në Bjellorusi kundër gazetarëve janë në kundërshtim me lirinë e shtypit."

Sipas mediave policia ka arrestuar të paktën 140 demonstrues. Megjithatë dhuna e përdorur edhe në protestat e mëparshme nuk i kanë ndaluar demonstruesit, të cilët kërkojnë zgjedhje të parakohshme dhe dorëheqjen e Lukashenko-s

66-vjeçari – i njohur edhe si "diktatori i fundit i Europës" - tha se kishte arritur një marrëveshje me homologun e tij rus, Vladimir Putin, për të dërguar një njësi rezervë të forcave të sigurisë ruse në Bjellorusi për të vendosur rendin në rast se paraqitet nevoja. Putini, nga ana e tij, deklaroi të shtunën se njeh legjitimitetin e zgjedhjeve presidenciale të 9 gushtit dhe e ka ftuar presidentin bjellorus për një vizitë zyrtare në Moskë.

Ndërkohë liderja e opozitës, Svyatlana Tsikhanouskaya do t'i drejtohet Këshillit të Sigurimit të Kombeve të Bashkuara më 4 shtator përmes një video konference, me ftesë të Estonisë, e cila aktualisht është një anëtar jo i përhershëm i Këshillit.

Ajo gjithashtu do t'i drejtohet Asamblesë Parlamentare të Këshillit të Evropës (PACE) katër ditë më vonë. Tsikhanouskaya ishte kandidate në zgjedhjet presidenciale të 9 gushtit në Bjellorusi dhe pretewndon se ajo ishte fituese e tyre.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça