POP 5

Lajmet më të lexuara të 5 minutave të fundit

Sport

Milan dhe Chelsea mbyllin gjithçka për Higuain-Morata, Barcelona dështon për Matias de Ligt

Mediat në Itali e bëjnë të kryer shkëmbimin mes Milanit dhe Chelsit për dy sulmuesit Higuan dhe Morata. Drejtuesit kanë gjetur gjuhën e përbashkët dhe ‘bombarat’ pritet të ndryshojnë bluzet në janar. Ndërkohë në Spanjë raportohet se Barcelona është dorëzuar për transferimin e Matias de Ligt.

Milan dhe Chelsea mbyllin gjithçka për Higuain-Morata, Barcelona dështon për Matias de Ligt

Morata-Higuain

Milan dhe Chelsea nga fjalët kanë kaluar te veprat pasi sipas mediave italiane janë në detajet e fundit për të mbyllur marrëveshjen e shkëmbimi Higuain-Morata. Sipas “Mediaset” Leonardo dhe Marina Granovskaia, të cilët kanë mbajtur bisedime prej disa javësh edhe për Bakayoko-n dhe Fábregas, kanë konkluduar dy skenarë për të finalizuar marrëveshjen. 

Skenari i parë e çon Higuain në huazim që në muajin janar te Chelsea me opsionin për të blerë përfundimisht në qershor, për sa kohë edhe Juventusi pajtohet, ndërsa Morata do të luajë i huazuar te kuqezinjtë për 18 muaj. Ndërkohë skenari i dytë parashikon fillimisht shkëmbimin e lojtarëve për një periudhë 6-mujore, më pas finalizim të marrëveshjes në qershor pa ndonjë përfitim ekonomik me kushtin e vetëm që Milan t’i paguajë Juventusit 36 mln eurot për të cilat ka rënë dakord merkaton e verës së kaluar.

Barcelona ndërkohë duket se është dorëzuar për afrimin e qendërmbrojtësit Matias de Ligt, I cili pak ditë më parë fitoi çmimin “Golden Boy”. Burime nga klubi katalanas i kanë thënë gazetës spanjolle “AS” se “19-vjeçari mund të përfundojë te Bayern-i në Gjermani ose te Juventusi në Torino”. Kjo pasi ata kanë bërë gjithçka, por e kanë patur të pamundur për të bindur agjentin Mino Raiolo, i cili mbi të gjitha i jep përparësi përfitimeve ekonomike se sa dëshirës së lojtarit i cili publikisht ka deklaruar se dëshiron të transferohet te Barcelona. Një tjetër fakt që të jep siguri për dështimin e këtij transferimi është se katalanasit vetëm pak ditë më parë siguruan shërbimet e mbrojtësit kolumbian të Valnecias Jeison Mourillo.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58