Milan e nis me pretendime Seria A, Pioli: Fitore si këto me Sampdorian tregojnë se jemi rritur

Me shumë vështirësi, por nisja e sezonit të ri për Milanin ka shkuar siç duhet, pasi ‘djalli’ i drejtuar nga Stefano Pioli ka mposhtur 0-1 Sampdorian. Golin trepikësh e realizoi mesfushori Diaz i huazuar për dy vite nga Real Madrid. Në minutën e 9 numri 10 i Milanit finalizoi pas një asisti të Calabrias dhe shpërqëndrimi në mbrojtjen e Sampdoria-s.

Në këtë përballje e nisën si titullar blerja e sulmit Oliver Giroud dhe portieri Maignan, që të paktën për 90 minuta bëri të harrohej Donaruma. Në minutat e fundit u aktivizua edhe Florenzi, i marrë nga Roma në huazim me të drejtë blerje.

Pas ndeshjes trajneri Pioli u shpreh se ‘fitoret me vuajtje janë pikërisht ato që ai kërkon, pasi tregojnë rritjen e skuadrës’. Numri 1 i pankës së ‘djallit’ la gjithashtu të kuptohet se prêt ende përforcime në merkato.

Ndërkohë ndeshja tjetër e Seria A që mbylli javën e parë mes Cagliarin dhe Spezias u mbyll me shifrat 2-2.

Sakaq po të hënën u luajt edhe ndeshja e fundit e javës së dytë në Premier League, me Ëest ham që shkatërroi 4-1 Leicester. Golat për londinezët u realizuan nga Fornales, Benrahma dhe Antonio ‘dopietë’. Fitorja me këto shifra i mundësoi edhe vendin e parë në kampionat West Ham, pasi ka golavarazh më të mirë se Chelsea.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria humb me Italinë, a ka shanse të kalojë grupin në Euro 2024?



×

Lajmi i fundit

Minuta Zero/ Andrea Marko 'skanon' kuqezinjtë: Fitojmë me Kroacinë dhe kualifikohemi! Kishim tifozerinë më të shkëlqyer

Minuta Zero/ Andrea Marko 'skanon' kuqezinjtë: Fitojmë me Kroacinë dhe kualifikohemi! Kishim tifozerinë më të shkëlqyer