Milani fitoi me përmbysje me Krotonen me rezultatin 2-1 me golat e Mario Pasalic dhe Lapadula duke mbajtur vendin e dytë në renditjen e kampionatit italian të futbollit, 4 pikë larg Juventusit pas 15 javësh.
 
Sfida ishte shumë e vështirë për kuqezinjtë e drejtuar nga Montela, pasi e panë veten në disavantazh pas 26’ me golin e pësuar nga Diego Falcinelli, që i dha epërsinë Krotones.
 
Megjithatë, 4 minuta nga fundi i pjesës së parë ishte Mario Pasalic, që vendosi ekuilibrin në fushë.
 
Edhe në pjesën e dytë Milani hasi vështirësi, pasi miqtë ushtronin presion të vazhdueshëm, por kuqezinjtë arritën që sërish 4 minuta nga fundi, por këtë herë i të gjithë takimit të shënonin me Gianluca Lapadula duke marrë tre pikë të plota me shumë vështirësi.

[gallery]20006[/gallery]

dy.b/shqiptarja.com