POP 5

Lajmet më të lexuara të 5 minutave të fundit

Sport

Milani në krizë, Napoli rekord diference pas 19 javësh kampionat! Shkëlqen Hysaj, mediat në Itali: Bëri ligjin në krahun e tij (VIDEO)

5 ndeshje rradhazi pa fitore ka Milani në Itali. Kjo pasi Lazio e turpëroi 4-0 në javën e 19 të Seria A, duke e çuar ‘djallin’ në krizë. Trajneri Pioli dhe drejtori Maldini e përshruajnë situatën si delikate, ndërsa për rrjedhojë Napoli është shkëputur në krye me një diferencë rekord për gjysmën e kampionatit.

Lazio ka zhytur zyrtarisht Milanin në krizë. Kryeqytetasit në ndeshjen e fundit të javës së 19 të Seria A kanë poshtëruar me rezultatin 4-0 ‘djallin’ kampion në fuqi, duke e çuar në 3 numrin e ndeshjeve të tyre pa fitore në kampionat , ndërsa në total ishte ndeshja e 5 ku Milan nuk arrin një sukses, përfshirë Kupën dhe Superkupën.

Milinkovic-Savic nisi serinë e golave që në minutën e katërt, ndërsa Zacagnni dyfishoi brenda pjesës së parë. Në fraksionin e dytë të lojës Luis Alberto me penallti dhe në fund Felipe Anderson fundosën skuadrën e Piolit, që largohet shumë me kreun pavarësisht se vijon të renditet në vendin e dytë.

Milan ka aktualisht 38 pikë, 12 më pak se Napoli kryesues. Ky është edhe rekord për Seria A, pasi asnjëherë vendi i parë nuk ka patur këtë diferencë me ndjekësit pas 19 javësh, që përkthet me gjysmën e kampionatit. Për këtë arsye në Napoli ka nisur numërimi mbrapsht për titullin kampion.

Për t’iu rikthyer disfatës, pas ndeshjes me Lazio-n trajneri i Milanit Stefano Pioli është shprehur se ‘shumë gjëra nuk funksionojnë, ndërsa ka shtuar se ka edhe ngërç psokologjik’. Sakaq drejtori Maldini deklaroi që ‘është një moment delikat, por duhet patur besim te trajneri’. Për t’u veçuar në këtë ndeshje ishte edhe shqiptari i kombëtares Elseid Hysaj, një nga më të mirët për Lazio-n në fushë. Ai është vlerësuar me notën 6.5 nga Corriera della Sport dhe përshkruhet si ‘një lojtar i cili bëri ligjin në korsinë e tij’.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Atentati në Vlorë, Kevin Hajrulla u qëllua nga disa plumba në bark, ndodhet në gjendje të rëndë! Flet një dëshmitar: Sapo dëgjova të shtënat u shtriva barkas

Atentati në Vlorë, Kevin Hajrulla u qëllua nga disa plumba në bark, ndodhet në gjendje të rëndë! Flet një dëshmitar: Sapo dëgjova të shtënat u shtriva barkas

18 Dhjetor, 23:05