POP 5

Lajmet më të lexuara të 5 minutave të fundit

Sport

Milani ngec me Bolonjën, bie Dortmundi, Muric hero për Manchester Cityn

Milani harron të fitojë. Kuqezinjtë nuk shkuan më shumë se një barazim pa gola ndaj Bolonjës në ndeshjen e fundit të javës së 16-të në Serinë A. Në Gjermani Dortmundi pësoi humbjen e parë sezonale pasi u mposht nga Dyseldorfi ndërsa portieri Kosovar Muric kualifikoi Sitin në gjysmëfinalet e Kupës së Ligës.

Milani ngec me Bolonjën, bie Dortmundi, Muric hero për Manchester Cityn

Në ndeshjen e fundit të javës së 16-të të Serisë A Bologna dhe Milani barazojnë 0-0 dhe marrin nga një pikë që shumë pak u vlen të dyja skuadrave. Në stadiumin “Dall’Ara” rastet e pastra numërohen me gishtat e njërës dorë. Për Milanin ka provuar dy herë Gonzalo Higuain në pjesën e parë por për portierin Skorupski ka qënë një lojë fëmijësh kontrollimi i rrezikut. Bologna e drejuar nga Pippo Inzaghi rastin më të mirë e pati me Palacio por grushtoi Donnarumma ndërsa kuqezinjtë e mbyllën ndeshjen me një lojtar më pak pasi Bakayoko ndëshkohet me karton të kuq. 27 pikë për Milanin në vend të katërt 2 më shumë se Lazio.

Duhej të vinte java e 16-të e Bundesligës që Dortmundi të pësonte humbjen e parë. Fortuna Dyseldorf fitoi 2-1 ndaj kryesuesve të Dortmundit me golat e shënuar nga Lukebakio dhe Zimmer ndërsa për verdhezinjtë golin e vetëm e shënoi spanjolli Paco Alcacer. Dortmund mbetet në vend të parë me 39 pikë ndërsa Bayerni që është 9 pikë larg ka mundësinë sot në ndeshjen ndaj Lajpcig që të ngushtojë diferencën me kryesuesit.

Portieri i talentuar i përfaqësueses së Kosovës Arijanet Muric i ka dhuruar Manchester Cityt kualifikimin për në gjysmëfinalet e Kupës së Ligës ose sic njihet ndryshe Carabao Cup. Ndeshja Leicester- Manchester City përfundoi në barazim 1-1 me golat e De Bruyne dhe Albrighton ndërsa djemtë e Guardiolës fituan 3-1 tek penalltitë ku 20-vjeçari Muric priti dy të tilla.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Atentati në Vlorë, 30 plumba drejt makinës së Kevin Hajrullës

Atentati në Vlorë, 30 plumba drejt makinës së Kevin Hajrullës

19 Dhjetor, 00:08