Milani ngec me Udinesen dhe i jep Interit bonusin e 6 pikëve/ Fitojnë Roma e Atalanta ndërsa Barça 'kap' finalen e Kupës (VIDEO)

Milani frenon sërish dhe i jep Interit një bonus shumë të madh në garën për titullin kampion. Kuqezinjtë u shtangën nga Udinese që barazoi 1-1 në “San Siro” dhe i afrohen kreut në tre pikë. Miqtë kaluan në avantazh me Becao në minutën e 68-të dhe Milanin e shpëtoi Kessie që me penallti barazoi në minutën e 97-të. Interi nëse mund sonte Parmën shkëputet me 6 pikë në kryesim.

Pas dy ndeshjesh tek fitorja u rikthye Roma në javën e 25-të. Verdhekuqtë triumfuan 2-1 në transfertë ndaj Fiorentinës ku protagonist ishte Spinazzola që kalon Romën në avantazh por më pas e dërgon topin në portën e tij. Goli i Diaëara i dha fitoren Romës që merr pikë jetike për zonën Champions.
Ndërsa në zonën Champions u ngjit Atalanta që bëri goleadë në Bergamo ndaj Crotones. Bergamaskët fituan 5-1 duke dhuruar spektakël dhe sigurojnë fitoren e katërt radhazi.

Nga ekipet e mëdha dje ngeci Napoli që mbetet në vend të shtatë në renditje. Mes Sassuolos dhe Napolit u zhvillua një ndeshje spektakolare që përfundoi në barazim 3-3. U aktivizuan për napoletanët Rrahmani dhe Hysaj me shkodranin që shkaktoi edhe penallti.

Barcelona bën remundata ndaj Sevillas dhe siguron finalen e Kupës së Mbretit. Andaluzianët e kishin fituar 2-0 ndeshjen e parë por mbrëmë katalanasit fituan 3-0 pas kohëve shtesë dhe presin biletën e finales. Fillimisht Dembele e më pas Pique në momentet e fundit dërguan ndeshjen në shtesë atje ku e vendosi Braithëaite. Finalistja tjetër del nga dueli Levante-Bilbao.

Ndërkaq në Premier League Manchester United koleksionon barazimin e dytë radhazi dhe lë Cityn të shkojë në 14 pikë plus në krye. Ndaj Crystal Palace ndeshja u mbyll pa gola./ Përgatiti Andi Kapxhiu

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet