POP 5

Lajmet më të lexuara të 5 minutave të fundit

Sport

Milani nuk ndalet, Juventusi rikthehet te fitorja, të mërkurën 'përplasin brirët' në San Siro (VIDEO)

Milani nuk di të ndalet dhe mbetet në kryesimin e kampionatin italian. Dje kuqezinjtë mposhtën 2-0 Beneventon ndërsa tek fitorja u rikthye edhe Juventusi. Të mërkurën në mbrëmje luhet supersfida Milan- Juventus.

Me dhjetë lojtarë që prej minutës së 33-të dhe me mungesa të shumta por Milani nuk di të ndalet dhe mbetet në kryesim të kampionatit italian. Kuqezinjtë mposhtën Beneventon 2-0 në transfertë në javën e 15-të me golin e Kessie me penallti në pjesën e parë ndërsa në të dytën llogaritë i mbylli Leao me një gol të bukur. Caprari humbi një penallti për Beneventon dhe Milani me 37 pikë udhëheq Serinë A.

Juventusi u rikthye tek fitorja duke e nisur mjaft mirë vitin e ri. Kampionët në fuqi mposhtën në Torino 4-1 Udinesen dhe siguruan tre pikë jetike . Dy gola shënoi Cristiano Ronaldo dhe nga një herë e tundën rrjetën Chiesa e Dybala për ekipin e Andrea Pirlos. Me 27 pikë Juventusi ngjitet në vend të pestë ndërsa të mërkurën në mbrëmje provon veten në “San Siro” ndaj Milanit kryesues.

Në La Liga ekipet e mëdha e nisën vitin e ri me fitore. Pas Real Madrid fitoi edhe Barcelona edhe pse minimalisht. Goli i de Jong ishte i mjaftueshëm për të mposhtur Huescan.

Atletico Madrid nuk gabon dhe mbetet në kryesim me 38 pikë dy më shumë se Real Madrid. Atletico mposhti 2-1 Alaves në transfertë me golin e fitores të shënuar në limite nga Luis Suarez.

Ndërkaq në Angli Chelsea vijon në rënie të lirë dhe dje mori një leksion nga Manchester City në ndeshjen e javës së 17-të. Djemtë e Pep Guardiolës fituan 3-1 në Londër dhe i mbyllën llogaritë që në pjesën e parë me golat e Gundogan, Foden dhe De Bruyne. Vetëm vlerë statistikore kishte goli i Hudson-Odoi i shënuar në fund për Chelsea. / Përgatitit: Andi Kapxhiu

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Harris apo Trump? Kush do të donin shqiptarët të ishte presidenti i SHBA-së! Ja rezultati në sondazhin e Shqiptarja.com! Votoni dhe ju

Harris apo Trump? Kush do të donin shqiptarët të ishte presidenti i SHBA-së! Ja rezultati në sondazhin e Shqiptarja.com! Votoni dhe ju

5 Nëntor, 09:12