Milani në krizë, Torino fiton me përmbysje 2-1

Milani harron të fitojë dhe thellon krizën e rezultateve. Torino e përmbysi mbrëmjen e djeshme në ndeshjen e fundit të javës së 5-të të Serisë A. 2-1 fitojë Torino ndaj kuqezinjve që zhvilluan një pjesë të parë shumë të mirë dhe e mbyllën në avantazh falë golit të Piatek. Polaku ktheu në gol një penallti në minutën e 19-të por Milani pati mundësi për dyfishim rezultati dhe nuk ia arriti. 

Në fraksionin e dytë vendasit surprizojnë duke bërë përmbysjen e madhe. Sulmuesi Andrea Belotti është ai që ngjitet në katedër dhe në 4 minuta hedh Milanin në tapet. Belotti shënon dy gola të bukur në minutat 72 dhe 76 dhe dënon Milanin në humbjen e tretë në 5 ndeshje kampionat ndërsa ngjit Torinon në kuotën e 9 pikëve.

Për trajnerin Marco Giampaolo kjo humbje ishte e pamerituar pasi Milan ii tij zhvilloi një ndehsje shumë të mirë. Për mediat Giampaolo rrezikon pankinën dhe ndeshjen ndaj Fiorentinës të dielën e ka decisive por Paolo Maldini thotë se trajneri nuk është në diskutim. Përgatiti Andi Kapxhiu

TAG:
• Milan
• Torino