POP 5

Lajmet më të lexuara të 5 minutave të fundit

Sport

Milano s'fle gjumë, 'djalli' nuk ndal festimet! Sot parada me autobusin e hapur, Piolit i vjedhin medaljen: Ma ktheni, është e para

Festa e Milanit për titullin kampion do vijojë edhe sot me paradën e autobusit të hapur. Ndërkohë Zlatan Ibrahimovic ka njoftuar se shumë shpejt do njoftojë nëse do tërhiqet apo jo, ndërsa një incident ka ndodhur me trajnerin Pioli që i kanë vjedhur medaljen. Te ‘djalli’ nuk ka vetëm festë, por edhe keqardhje pasi mesfushori Kessie mbylli aventurën me skuadrën italiane.

Mungonte prej 11 vitesh dhe nuk kishte si mos të ndizte Milanon edhe pse titulli i fituar në hapin e fundit kishte për rival Interin, ish-kampionen në fuqi dhe pjesë e po këtij qyteti. Ftesta e Milanit do vijojë edhe sot pavarësisht se të dielën nuk pushoi asnjëherë. Pas gëzimit në stadiumin e Sassuolo-s ku Milan fitoi 0-3 festa u zhvendos në ‘Casa Milan’ ku ishin rreth 40 mijë tifozë. Nuk munguan as pjestarët e ekipit me trajnerin Pioli dhe Ibrahimovic, i cili mbajti edhe një fjalim. Ibra u shpreh se ‘Milan nuk është Milano, por Milan është gjithë Italia’. Sulmuesi 40-vjeçar titullin kampion ia dedikoi agjentit Mino Raiola, i cili ndërroi jetë pak ditë më parë, ndërsa sqaroi se shumë shpejt do vendosë nëse do vijojë më të jetë pjesë e futbollit të luajtur apo jo.

Gjatë festës ndodhi edhe diçka e veçantë. Trajnerit Pioli iu vodh medalja e kampionit dhe bëri thirrje që t’ia kthenin pasi ishte e vetmja që kishte, duke qenë se ky është titulli i parë në karrierë. Për të mos i prishur festën trajnerit mendoi Liga e Seria A që sqaroi se për Piolin do ketë një tjetër medalje.

Sot ndërkohë janë lajmëruar detajet për festën që klubi do zhvillojë në qytet. Në orën 18:00 do jetë parada me autobusin e hapur që nis në shtëpinë e Milani Casa Milan dhe që do vijojë në disa rrugë të qytetit. Pika e fundit e ndalesës do jetë ‘Piazza del Dumo’.

Sakaq te Milan nuk ka vetëm festë, pasi me përfundim e saj do largohet një nga futbollistët më të spikatur të skuadrës. Mesfushori Kessie luajti ndeshjen e fundit, ndërsa sot tifozët do t’i thonë mirupafshim ‘presidentit’, i cili do transferohet te Barcelona.

Ne.k./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Koha për të përforcuar marrëdhëniet duke treguar ndjenjat me sinqeritet, horoskopi për sot

Koha për të përforcuar marrëdhëniet duke treguar ndjenjat me sinqeritet, horoskopi për sot

5 Nëntor, 07:09