POP 5

Lajmet më të lexuara të 5 minutave të fundit

Kronikë

Milano, vrasje dhe trafik droge
 34 vite burg për bosin shqipta

Gjykata e Monzas në Milano ka dënuar me 14 vjet burg për trafik droge, 28-vjeçarin shqiptar Alfred Kurtulaj, bosin e marijuanës dhe kokainës i cili ishte dënuar me parë me 20 vjet burg për vrasjen e një rivali në fushën e trafikut të drogës.
ITALI- Gjykata e Monzas në Milano ka dënuar me 14 vjet burg për trafik droge, 28-vjeçarin shqiptar Alfred Kurtulaj, bosin e marijuanës dhe kokainës në Milano i cili ishte dënuar në 2014-ën me 20 vjet burg për vrasjen e një rivali në fushën e trafikut të drogës.

Pas këtij vendimi 28 vjeçari Alfred Kurtulaj, rezident në Sesto San Giovanni, pjesë e një bande droge në Vlorë tashmë do të vuajë 34 vite burg.

I njohur me emrin Fred, sëbashku me bashkëfshatarin e tij, 30- vjeçarin Besar Bercaj, i njohur me emrin Pipino, ai ishte dënuar për vrasjen e kryer në 23 janar të 2014,  të kalabrezit Pietro Mannisi 62 vjeç ose siç njihej ndryshe me nofkën "krokodili", i cili donte t’i shiste një marokeni një sasi kokaine me vlerë 40 mijë euro, me destinacion rrethinat e Milanos.

Marokeni kishte frikë nga Kurtulaj dhe e kishte paralajmëruar 62 vjeçarin, i cili u u vra në Milano, me dy plumba në ballë brenda makinës së tij. Kurtulaj konsiderohej si bosi i një bande droge në zonën e Sesto San Giovanni e Rozzano, por edhe në provincën e Vareses dhe Pavias.

Guardia fi Finanzia e Vareses e zbuloi bandën, duke ndjekur një ngarkesë droge nga Shqipëria në Saronno. Më 13 dhjetor 2013, u sekuestrua  31 kilogramë marijuanë e cila u zbulua në një automjet tip BMW në Arluno.

Pas një viti u krye operacioni i dytë, në bashkëpunim e Prokurorinë e Milanos, me ekzekutimin e 7 urdhër arresteve dhe sekuestrimin e 46 kilogramëve kakainë, 189 kg marijuanë e 5 heroinë si dhe 9 autovetura.

Së bashku me Kurtulaj ishte dënuar me 8 vjet e gjysmë një tjetër anëtar i bandës, Franco di Maio, 35 vjeç nga Sesto San Giovanni.

Redaksia Online
(u.s/shqiptarja.com)
 

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Bie numri i lindjeve në rrethe, drejtoresha e maternitetit në Fier: Shkak godina e rrënuar, s’ka tualete! Mjeku gjinekolog në Elbasan: Ndikon dhe emigracioni

Bie numri i lindjeve në rrethe, drejtoresha e maternitetit në Fier: Shkak godina e rrënuar, s’ka tualete! Mjeku gjinekolog në Elbasan: Ndikon dhe emigracioni

12 Janar, 16:16