POP 5

Lajmet më të lexuara të 5 minutave të fundit

Sport

Miliarderi rus, mik i Putinit, kërkon të blejë Milanin

Milan po kalon një periudhë plot dritë-hije sa u takon drejtuesve, më saktë, pronarëve kinezë. Të martën ka ardhur lajmi për falimentimin e “Jie Ande”, “kompania kasafortë” e Yonghong Li.
Miliarderi rus, mik i Putinit, kërkon të blejë Milanin

Milan po kalon një periudhë plot dritë-hije sa u takon drejtuesve, më saktë, pronarëve kinezë. Të martën ka ardhur lajmi për falimentimin e “Jie Ande”, “kompania kasafortë” e Yonghong Li. Ndërkohë, ka ardhur edhe konfirmimi, nga ana e Prokuorisë së Milanos, për hapjen e një dosje mbi shitjen e klubit nga “Fininvest” te “Rossoneri Sport”. 

Sot ka ardhur letra që klubi milanez i ka dërguar presidentit, në të cilën i ka kërkuar atij që të derdhë 10 milionë eurot e parashikuara për rritjen e kapitalit. Lajme këto që hedhin të tjera hije mbi klubin kuqezi, për të cilin interesohet një biznesmen rus.

Alisher Usmanov, 64 vjeç, me interesa të ndryshme dhe drejtori i përgjithshëm i “Gazprom”, kolosi i gazit, duket se ka shprehur dëshirën për të blerë Milan-in, siç ka bërë të ditur e përditshmja “Libero”. Usmanov zotëron disa aksione të Arsenal, por shumë shpejt mund të largohet nga londinezët dhe po mendon për të bërë një investim të ri në botën e futbollit. 

Mik i madh i Vladimi Putin, zotëria i gazit rus njeh edhe Silvio Berlusconi-n, me të cilin është takuar shpeshherë në Sardegna. Falë investimit të bërë për “Topçinjtë”, Usmanov është njohur me Paul Singer, tifoz i madh i klubit londinez dhe drejtuesi i fondit Elliot, kompania që i ka huazuar Li-së paratë për të blerë Milan. 

Biznesmeni rus, i cili ka një pasuri prej 15 miliardë dollarësh, i ka shprehur atij prej kohësh dëshirën për të blerë kuqezinjtë. Në orët e fundit, fondi amerikan i ka huazuar edhe 35-40 milionë euro të tjera klubit italian për të mbyllur sezonin dhe për të pasur burimet e nevojshme për të shmangur përjashtimin nga kupat e Europës në sezonet e ardhshme. Sipas “Calciomercato.com”, Usmanov synon zgjerojë investimet në botën e futbollit dhe po mendon edhe për Sevilla-n.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

‘Zengjini i qan hallin fukarait’, Veliaj i përgjigjet opozitës për çmimet e pronave: Këtyre që ulërasin poshtë Bashkisë, nuk u numërohen vilat me gishtat e njërës dorë

‘Zengjini i qan hallin fukarait’, Veliaj i përgjigjet opozitës për çmimet e pronave: Këtyre që ulërasin poshtë Bashkisë, nuk u numërohen vilat me gishtat e njërës dorë

11 Janar, 13:44