POP 5

Lajmet më të lexuara të 5 minutave të fundit

Sport

Milionat për Mbappe, PSG refuzon t’i paguajë shumën e majme ish-sulmuesit

Paris Saint Germain refuzon të pagujë një bonus besnikërie për ish-sulmuesin Kylian Mbappe, që verën e këtij viti la Francën dhe zgjodhi të kalojë si lojtar i lirë te Real Madrid.

Milionat për Mbappe, PSG refuzon t’i paguajë shumën e majme ish-sulmuesit

Kylian Mbappe

Paris Saint Germain refuzon të pagujë një bonus besnikërie për ish-sulmuesin Kylian Mbappe, që verën e këtij viti la Francën dhe zgjodhi të kalojë si lojtar i lirë te Real Madrid.

Sipas gazetës 'Le Parisen', PSG po refuzon t’i paguajë Mbappesë shifrën prej 55 milionë eurosh që ai kërkon nga ish-klubi i tij. Një gjë e tillë është konfirmuar nga klubi me një deklaratë.

“PSG ka bërë ankim kundër vendimit të komisionit të LFP. Nuk është vetëm çështje e qëndrimit ligjor të klubit, i cili është plotësisht i justifikuar. Është gjithashtu çështje integriteti, ndershmërie e ruajtjes së vlerave dhe respektit për klubin parisien dhe tifozët, gjë që është më e rëndësishme se çdo lojtar.

Nga pikëpamja ligjore dhe faktike, lojtari ka dhënë angazhime publike dhe private, të cilat thjesht i kërkohet klubit t’i përmbushë, përveç kësaj, lojtari ka marrë privilegje të paprecedentë nga klubi gjatë shtatë viteve të tij në Paris.

Klubi mezi pret që këto detyrime themelore dhe të padiskutueshme të respektohen në rastin e duhur nëse lojtari vendos të ndjekë këtë çështje, gjë që do të vinte në pikëpyetje reputacionin e tij”, ka shkruar PSG në një deklaratë.

Më herët, Liga Profesionale Franceze e Futbollit (LFP) i detyroi parisienët të paguajnë borxhin ndaj lojtarit. Ata caktuan një afat prej tetë ditësh për pagesën e cila tashmë ka skaduar.

Mbappe beson se klubi i ka borxh 55 milionë euro në përputhje me kontratën e tij të fundit me klubin e Ligue 1. PSG këmbëngul se lojtari pranoi të hiqte dorë nga kjo tarifë pasi vendosi të largohej nga klubi si lojtar i lirë në verë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 18 Janar, 08:40

    A duhen bërë publik emrat e politikaneve që kanë përdorur Sky Ecc?

Lajme të tjera



×

Lajmi i fundit

2 muaj nga vrasja e Martin Canit, babai: Heshtja vret më shumë! Nuk ishte grup kriminal, mund të zbardhej për 3 ditë

2 muaj nga vrasja e Martin Canit, babai: Heshtja vret më shumë! Nuk ishte grup kriminal, mund të zbardhej për 3 ditë

18 Janar, 11:39