Milo: Votat për 'Zgjedhoren' do të blihen! Gjoni: PD-PS s'kanë gjë në dorë, SHBA në lojë...

Për Paskal Milon po nuk ndryshoi sistemi zgjedhor Shqipëria nuk ka asgjë në vijë. Ai nuk shikon shpresë deri tani. "Nuk besoj se SHBA dhe më pak BE-ja do u imponohen partive të mëdha për të ndryshuar sistemin. Nuk mund ta bëjnë, pasi mesazhet do të ishin dhënë. Gjuha, mesazhet e Ramës, Berishës apo Bashës do të ishte zbutur. I gjithë shqetësimi i partnerëve janë që të bëhen korrigjimet në kodin zgjedhor sipas rekomandimeve të OSBE-së. Po nuk u pret sistemi nuk kemi gjë në vijë. Numrat e opozitës në Kuvend do i përcajnë, do i blejnë. Ka njerëz që blihen dhe shiten".

Por, Ralf Gjoni mendon ndryshe. Ai thotë se tashmë PD-PS nuk kanë gjë në dorë, pasi është futur në lojë SHBA-ja. "Pa ndryshuar sistemi zgjedhor, hapja e listave dhe heqja e monopolit të bajraktarëve në Shqipëri nuk ka zhvillim demokratik. SHBA shprehu mbështetjen e plotë për ne. Brenda shtatorit do të organizojmë një tryezë gjithpërfshirëse, edhe me ekspertë të huaj, do të hapim debatin për ndryshimin e sistemit zgjedhor. Tryeza do të mbështet nga SHBA-BE. PS dhe PD-ja nuk kanë më gjë në dorë" tha ai.

Lajmi kryesor:

Kriza dhe negociatat në Repolitix/ Ralf Gjoni: Nëse nuk ndryshon sistemi zgjedhor, iki nga parlamenti e Shqipëria

TAG:
• repolitix
• ralf gjoni
• paskal milo
• neritan ceka
• shkelqim hajdari
• progres raporti 2019