Milot/ Mbi 2 mijë banorë vuajnë mungesën e ujit të pijshëm: Nuk kemi me çfarë të lahemi! Shkoj e mbush me karrocë në një përrua

MILOT- Sigurimi i ujit të pijshëm është kthyer në një sfidë për 2000 banorët e qytezës së Milotit në Bashkinë e Kurbinit.

Uji mungon në çezma për ditë të tëra, ndërsa kjo situatë është e vazhdueshme si në verë ashtu dhe në vjeshtë.  Për të pirë mbushin në një burim natyror, por nevojat e këtyre konsumatorëve që paguajnë faturat janë disa herë më të mëdha.

- "Po si nuk është problem se nuk kemi me çfarë të lahemi se këtë ujë që po mbush e përdor për të pirë", tha një banor.

- "Me çfarë thonë është shteruar uji nuk e thithin pompat e ujësjellësit, ndërsa ky uji këtu është burim i hershëm ku kanë mbushur të parët tonë me bolira (enë druri)".

  - Na thonë është prish pompa jo është ul niveli, po ç'na duhet ne. Po të dojë shteti vjen e vë pompën e re. Shkoj e mbush me karrocë në një përrua", tha një tjetër banor i Milotit.

Bashkia e Kurbinit që ka për detyrë furnizimin me ujë të pijshëm nuk i përgjigjet shqetësimit të banorëve, ndërsa i kontaktuar në telefon administratori i njësisë vendore të Milotit Dritan Preçi thotë se problematika ka ardhur si pasojë e thatësirës së tejzgjatur.

B.K./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Satelit Albanistan 1&2: 23/10/2021 16:27

    Duroni dhe pak sa te dërgojmë satelitin në Mars e do keni ujë e drita 24 orë, bëni si të bëni dhe këto 3000vjet.

    Përgjigju
  • Sondazhi i ditës:

    Varianti afrikan mbërrin në Europë, a duhen ashpërsuar masat anti-Covid edhe në vendin tonë?



×

Lajmi i fundit

John

Shembet masivi shkëmbor në Shkopet, bllokohet qarkullimi dhe krijohet varg automjetesh