Rama: Ministrat në provë, me Qeverinë e re një hap drejt mandatit të tretë. Vlerësime për të larguarit

Kryeministri Edi Rama tha se ministrat e rij që u bënë pjesë e kabinetit qeveritar, të gjithë pa përjashtim janë në provë. Kreu i qeverisë tha se ndryshimet në Qeveri erdhën nga nevoja për reflektim, ndonëse vlerësoi paraardhësit e tyre në kabinet, për të cilët Rama nuk preferoi të përdorë termin "të shkarkuar", por të zëvendësuar.

Sa i takon ministrave të rinj, gjithkush është në provë. Qeveria është në reflektim lidhur me nevojën për të zgjedhur nevojat tona komunikative me shoqërinë dhe për të pasur në vetë më shumë kapacitete qoftë në qeveri, parti, grup parlamentar. Me Qeverinë e re kemi hedhur një hap të rëndësishëm për mandatin e tretë. 

 Edi Rama, kryeministër 

Shefi i ekzekutivit vlerësoi ministrat në detyrë si Lindita Nikolla dhe Ditmir Bushati si profesionistë të shkëlqyer. "Lindita Nikolla ka bërë në atë zyrë atë që s'e ka bërë asnjë burrë për 20 e kusur vjet. Ditmir Bushati është ministri më jetëgjatë i Ministrisë së Jashtme dhe ministri më i mirë që kemi pasur në historinë e tranzicionit. Për sa i përket Damian Gjiknurit, nuk është shkarkuar por zëvendësuar. Pa diskutim ka bërë një punë trasnformuese por do të jetë e padiskutueshme kur të shikohet ecuria në sektorin e energjisë". 

Lajmi kryesor:

Rama bën bilancin e 2018-ës: Ministrat në provë, me këtë Qeveri fitojmë mandatin e tretë

TAG:
• edi rama
• ndryshimet ne qeveri
• rama konferencë për mediat