Ministrat prezantojnë planin e
ndërtimit të rrugëve
Gjatë vitit të ardhshëm parashikohet të rinisin punimet në akset kryesore të transportit rrugor, të cilat në katër vitet e kaluara kanë ecur me ritme shumë të ngadalshme, për arsye nga më të ndryshmet. Këtë e kanë deklaruar dje, në Asamblenë Kombëtare të Partisë Socialiste ministri i Ekonomisë e Financave, Arben Ahmetaj, si dhe ai i Energjisë dhe Infrastrukturës, Damian Gjiknuri.
Gjatë vitit të ardhshëm parashikohet të rinisin punimet në akset kryesore të transportit rrugor, të cilat në katër vitet e kaluara kanë ecur me ritme shumë të ngadalshme, për arsye nga më të ndryshmet. Këtë e kanë deklaruar dje, në Asamblenë Kombëtare të Partisë Socialiste ministri i Ekonomisë e Financave, Arben Ahmetaj, si dhe ai i Energjisë dhe Infrastrukturës, Damian Gjiknuri. Të dy ata deklaruan se, përveç Rrugës së Arbrit, kontrata për ndërtimin e pjesës së mbetur të së cilës nënshkruhet pas disa javësh, punimet do të rifillojnë në By Pass-et Fier dhe Vlorë, në Rrugën e Kombit, do të vazhdojnë në aksin Qukës – Qafë Plloçë, si dhe do të fillojnë nga e para në aksin e ri Thumanë – Vorë. Po kështu, do të punohet edhe në dy segmentet e mbetura të Unazës së Madhe të Tiranës, si dhe pritet të përfundojë autostrada Tiranë – Elbasan.
Dy By Pass-et, nyje shumë të rëndësishme të aksit Veri – Jug, janë bllokuar pasi kontraktori Serenissima ka shpallur falimentin dhe autoritetet shqiptare u detyruan të bëjnë nga e para tenderat për të përfunduar punimet. Të dy veprat financohen nga bankat evropiane. Ndërsa punimet për Fierin kanë avancuar shpejt, ato për Vlorën kërkojnë shumë kohë që të përfundojnë.
Por 2018-a do të jetë, sipas anëtarëve të qeverisë, vit i përshpejtimit të punimeve në to. Durrës-Kukës-Morinë është marrë përsipër nga kontraktori privat për të përfunduar mangësitë në projekt, që nuk u plotësuan nga qeveria Berisha, por as gjatë katër viteve të asaj Rama 1. Kjo do të arrihet duke vendosur për herë të parë pagesë për automjetet, krahas pagesës edhe nga buxheti i shtetit.
Rruga e Arbrit për pjesën e mbetur pritet të fillojë gjithashtu nga ndërtimi pas pak javësh, me financim të shtetit shqiptar. Qukës-Qafë Plloçë ka filluar që para katër vitesh, me financim edhe të bankave arabe, por projekti kë ndryshuar dhe ecuria ka qenë shumë e ngadaltë. E njejta gjë ka ndodhur edhe me rrugën e re të Elbasanit, ku projekti ndryshoi pas një shembjeje masive në zonën e Ibës.
Ndërkohë, Unaza e Madhe e Tiranës parashikohet të ketë shpenzime jo të vogla për shpronësimë, përveç përplasjeve të natyrës sociale me ndërtuesit e banesave pa leje, në dy segmentet e mbetura, që kalojnë në Farkë-Kinostudio dhe Babrru-Bregu i Lumit.
Aksi i ri Thumanë-Vorë-Rrogozhinë parashikohet të krijojë një lehtësim të ndjeshëm të lëvizjeve nga Veriu në Jug, duke shmangur kalimin e detyruar sot nga Durrësi, por kjo do të ishte një vepër e financuar nga investitori, i cili do ta detyronte kalimin e automjeteve në të me pagesë.
Redaksia Online
D.T/Shqiptarja.com
Sondazhi i ditës:
'Rasti Qefalia', a fshihen gjobat pas akuzave të Këlliçit, Nokës, opozitës?
-
Po
69.1%
-
Jo
19%
-
Ndoshta
11.9%
Vota total: 2425
Votat totale janë unike
Lajme të tjera
-
Doçi në ‘Repolitix’: Shkëlzeni sekser, mori 700 mijë euro nga biznesmenët se i favorizoi te Berisha! 400 mijë euro fatura fiktive të Argitës
24 Korrik, 00:21
-
Azgan Haklaj: Sali Berisha nuk është kryetar i PDSH-së
23 Korrik, 23:15
-
‘TIMS’/ Miratohet vetëm raporti i mazhorancës, u lexua nga Toni Gogu, PS nuk e shpërndan për mediat! Ende nuk është gati
23 Korrik, 23:12
-
Arben Meçe: ‘Gjiri Lalzit’ ka pronarë faktik Berishën dhe Metën, jo firmën Lura
23 Korrik, 22:49
-
Ylli i Francës i jep fund beqarisë në Sarandë, fejohet me modelen nga Kosova
23 Korrik, 22:44
-
Divorci i bujshëm i sheikut, pasi e tradhtoi ai do t’i paguajë 3 mld dollarë ish- gruas
23 Korrik, 22:42
-
Përdhunuan në grup 23-vjeçaren shqiptare, Apeli lë në burg Robinhon! Ish-futbollisti pas hekurave në Brazil
23 Korrik, 22:34
-
Spahiu: 'Kapja e shtetit', Meta ndërtoi rrugë dhe ura për të shkuar tek vila e tij
23 Korrik, 22:30
-
U 'ringjall' sërish në Kupën e Amerikës, James Rodriguez dëshiron të kthehet në Evropë! Dikur vlente 80 milionë euro, sot vetëm 5
23 Korrik, 22:30
-
94 emigrantë viktima në Cutro, prokurorët italian: Tragjedia mund të shmangej! Ekipi la të gjallë në det
23 Korrik, 22:29
-
Hetimi pasuror ndaj familjes Berisha, Doçi: Është shtrirë edhe në Gjermani, transfertë 300 mijë euro e dyshimtë! Po zhvendosin pasurinë
23 Korrik, 22:28
-
Spahiu: Masakra betonimit në bregdet buron nga ligji turpshëm i pronave 7501
23 Korrik, 22:16