POP 5

Lajmet më të lexuara të 5 minutave të fundit

Ekonomi

Ministri Çuçi me fermerët e rrushit në Libofshë: Ulim taksat dhe subvencionojmë plastmasin e serave

Çuçi: Ashtu siç shihet dhe ka dhënë rezultat, serat deri më tani janë një nga aspektet më të suksesshme të strategjisë tonë për të rritur prodhimin bujqësor. Do të shtojmë mbështetjen ndaj atyre që kultivojnë përmes serave

Ministri Çuçi me fermerët e rrushit në Libofshë: Ulim taksat dhe subvencionojmë plastmasin e serave

Gjatë vitit të ardhshëm fermerët që do duan të kultivojnë prodhime bujqësore në sera do të kenë mundësi të përfitojnë subvencion për plastmasin përmes Skemës Kombëtare, si dhe do të shihet mundësia për heqjen e TVSH-së për plastmasin e përdorur posaçërisht për sera. 

Kështu është shprehur ministri i Bujqësisë dhe Zhvillimit Rural, z.Bledi Çuçi, gjatë një vizite në Libofsh të Fierit. Bashkë me zv.ministrin, Dhimo Kote, Çuçi u takua me fermerë të kësaj zone, të cilët kultivojnë rrush në sera.

‘Ashtu siç shihet dhe ka dhënë rezultat, serat deri më tani janë një nga aspektet më të suksesshme të strategjisë tonë për të rritur prodhimin bujqësor. Do të shtojmë mbështetjen ndaj atyre që kultivojnë përmes serave”, tha ministri Çuci.

Fermerët e Libofshës në një sipërfaqe rreth 20 hektarë vresht me sera prodhojnë çdo vit qindra ton me rrush tavoline. Janë kryesisht 4-5 varietete italiane për tavolinë. Gati i gjithë prodhimi është i destinuar për tregun jashtë. 

Fermerët kanë nisur eksportin e rrushit diku në fillim të muajit qershor në vende si Suedia, Italia, Kroacia etj. Çmimi i këtij rrushi është relativisht i lartë dhe siguron të ardhura të mira për fermerët. 

Avantazhi i kultivimit të rrushit përmes serave është se prodhimi del më shpejt në treg dhe rrjedhimisht do të kapë një çmim më të lartë në tregjet ndërkombëtare. Fermerët synojnë të zgjerojnë sipërfaqet duke marrë toka të tjera me qira nga banorët vendas ose nga fondi i tokave pronë shtetërore.

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Xxx: 15/07/2019 15:29

    O çyç mos kalo kohen me vreshtat se kush e di kush ka kantine per te bere vere e raki, po merru me AKU qe dalin fruta perimet te pa kontrolluara dhe marrin rrogen duke ndenjur dhe i mbyllin dyert duke mos i dhene pergjigje gazetareve qe ju kerkojne llogari

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Presidenti i Urdhrit Veterinar denoncon: Mandarinat në Shqipëri me mbetje pesticidesh të ndaluara në vendet e BE! Shkakojnë kancer

Presidenti i Urdhrit Veterinar denoncon: Mandarinat në Shqipëri me mbetje pesticidesh të ndaluara në vendet e BE! Shkakojnë kancer

18 Dhjetor, 15:49