Ministri i Arsimit dha dorëheqjen pas masakrës në Beograd, Vuçiç: Ngjarje më interesante deri në fund të majit, Serbia të ecë përpara

Presidenti i Serbisë, Aleksandar Vuçiq, nuk ka komentuar dorëheqjen e ministrit të Arsimit, Branko Ruzhiq.

Ai ka thënë se nuk dëshiron të flasë për këtë, por ka folur në telefon me Ruzhiqin, ku është njoftuar për këtë vendim.

"Nuk dua te flas rreth keëaj. Ka situata kur nuk mund të kuptosh pse po ndodh diçka dhe pse dikush po e bën atë." - tha Vuçiq.

LEXO EDHE:
Kosova i përgjigjet SHBA për mbylljen e bankave serbe: Aktiviteti i tyre ishte i jashtëligjshëm, Beogradi nuk ka pranuar propozimet tona

Përveç kësaj, Vuçiq ka lënë të kuptohet se do të ketë ngjarje interesante politike deri në fund të majit, si përgjigje në pyetjen për dorëheqjen e Ruzhiqit.

“Kam biseduar me Ruzhiqin dhe Ana Brnabiqin dhe deri në fund të muajit do të marrim vendime të rëndësishme.” – tha Vuçiq.

"Ne nuk jemi këtu për t'u shqetësuar për vendet tona, por për të mbrojtur vendin dhe që Serbia të ecë përpara.” – është shprehur ai.

Ky vendim vjen pak ditë pas një ndër masakrave në Serbi, ku 13-vjeçari Kosta Koçmanovi nxënës i shkollës fillore “Vladisllav Ribnikar” në Vraçar të Beogradit, ka vrarë tetë nxënës me armë zjarri dhe rojën e shkollës. 

G.MO/Shqiptarja.com

TAG:
• serbi
• kosta koçmanovi
• aleksander vucic