Ministri i Jashtëm ukrainas i kërkon SHBA-së raketa me rreze të gjatë

Ministri i Jashtëm ukrainas, Dmytro Kuleba, ka bërë një bisedë telefonike me homologun e tij amerikan, Antony Blinken, ku bëri i kërkoi SHBA-së raketa me rreze të gjatë veprimi ATACMS.

"Blinken dhe unë diskutuam hapat e mëtejshëm për të zgjeruar mbështetjen globale për Formulën e Paqes dhe zgjidhjet për të zgjeruar eksportet e grurit. Falenderova SHBA-në për të gjithë ndihmën e dhënë dhe theksova nevojën për të përmirësuar aftësitë e Ukrainës me rreze të gjatë duke ofruar ATACMS”, shkroi Kuleba në Twitter.

LEXO EDHE:
Cameron në Kiev: Ukraina mund të bombardojë territorin rus me armë britanike

Muajin e kaluar, presidenti amerikan, Joe Biden, ra dakord t'i jepte Ukrainës municione thërrmuese të diskutueshme për t'i përdorur kundër trupave ruse.

Municionet thërrmuese shpërthejnë në ajër dhe lëshojnë "bomba" që shpërndahen në zona të mëdha. 

Kundërshtarët thonë se ata vrasin pa dallim dhe se disa nga municionet më të vogla mund të dështojnë të shpërthejnë, duke paraqitur një rrezik afatgjatë për civilët.

Lajmi kryesor:

Lufta në Ukrainë/ Erdogan do t'i propozojë Putinit një armëpushim të hershëm! Arrestohet informatorja ruse, po përgatiste sulmin ndaj Zelensky

S.S/Shqiptarja.com

TAG:
• ukraine
• Rusi
• Dmytro Kuleba