POP 5

Lajmet më të lexuara të 5 minutave të fundit

Politikë

Ministri i Mbrojtjes viziton Shkollën e Trupës në Bunavi: Kampus i ri për Akademinë e FA, gati të presim 'Defender 2023'

Ministri i Mbrojtjes vuri në dukje vlerësimet që Forcat e Armatosura shqiptare kanë marrë nga vendet partnere të NATO-s, ndaj edhe Shqipëria mund të bëhet sërish vendi mikpritës i stërvitjes më të madhe "Defender" në vitin 2023.

Ministri i Mbrojtjes viziton Shkollën e Trupës në Bunavi: Kampus i ri për Akademinë e FA, gati të presim 'Defender 2023'

Foto ilustruese

Ministri i Mbrojtjes Niko Peleshi vizitoi mjediset e Shkollës së Trupës në Bunavi, ku bisedoi me studentë të vitit të parë si dhe ndoqi disa orë stërvitore. Gjatë fjalës së tij, ministri Peleshi u tregoi rekrutëve të rinj për ambiciet e qeverisë dhe Ministrisë së Mbrojtjes për modernizimin e Forcave të Armatosura që së pari ka nisur nga Akademia e FA.

Peleshi bëri të ditur se tashmë kanë nisur diskutimet me njërin nga institucionet kampion të edukimit siç është Akademia ushtarake e ëest Point në SHBA, nga i cili do të adoptohen modelet, standardet dhe arritjet edhe në Akademinë e FA. Po ashtu ministri Peleshi tregoi edhe projektet që janë në funsksion të kësaj akademie.

"Një kampus i ri nga fillimi, në një sipërfaqe të dedikuar për të do të fillojë ndërtimin nga viti që vjen. Jemi gati me projektet, jemi gati me planin, jemi gati me buxhetet edhe projektbuxheti i këtij viti na e ka dhënë të gjithë hapësirën për të ndërtuar nga e para me një standart shumë të lartë europian kampusin, klasat, hotelerinë dhe gjithë infrastrukturën tjetër në mbështetje të aktivitetit tuaj. Ne do ta bëjmë institucionin e Akademisë së FA një institucion model edhe për institucionet e tjera të edukimit të lartë, ndaj po hapim dhe dimensione të tjera përveç atij tradicionalit", u shpreh Peleshi.

Ministri i Mbrojtjes vuri në dukje vlerësimet që Forcat e Armatosura shqiptare kanë marrë nga vendet partnere të NATO-s, ndaj edhe Shqipëria mund të bëhet sërish vendi mikpritës i stërvitjes më të madhe "Defender" në vitin 2023. 

"Jemi anëtarë të denjë në NATO, kemi përfaqësuar vendin tonë, një vend të vogël me burime të kufizuara, por me shpirt të madh në misione ndërkombëtare duke fituar një emër të mirë në rradhët e NATO-s. Unë dëgjoj vetëm fjalë të mira në takimet, në samitet e NATO-s, ministerialet e NATO-s, ministerialet rajonale për përfaqësimin e vajzave dhe djemve shqiptarë në botë, në misionet ndërkombëtare. Këtë vit patëm shansin të integrohemi në një shkallë më të gjerë, në stërvitjen më të madhe të zhvilluar në 30 vite në rajonin tonë "Defender '21". Pas dy vjetësh me shumë mundësi "Defender '23" do të ketë si vend pritës Shqipërinë. Kjo është një mundësi e jashtëzakonshme e juaja për t'u ballafaquar me forca të tjera të ushtrive të tjera, për t'u integruar me ta, për të rritur ndërveprueshmërinë edhe për të fituar mbi të gjitha besim se dhe një vend i vogël si Shqipëria mund të luajë një rol të madh", u shpreh ministri Peleshi. 

Duke u uruar mirëseardhjen në FA rekrutëve të rinj, ministri Peleshi tha se edhe procesi i rekrutimit do të ngrihet në një nivel tjetër, në mënyrë që të përthithen sa më shumë djem e vajza nga rinia shqiptare.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

25 Dhjetor, 15:03