TIRANË- Drejtori i Përgjithshëm i Sigurisë së Libanit, Gjeneral Major Abbas Ibrahim ndodhet në një vizitë zyrtare në Tiranë, ku ka zhvilluar një takim me ministrin e Brendshëm, Bledi Çuçi.
Ministri bën me dije se iu ka shprehur mirënjohjen gjeneralit libanez për ndihmën që kanë dhënë për riatdhesimin e shqiptarëve nga kampet në Siri, teksa thekson se operacionet do të vazhdojnë.
"Në takim ishte i pranishëm edhe Konsulli i Përgjithshëm i Shqipërisë në Liban, Marc Ghorayeb. “Nder i veçantë të ritakohesha me Gjeneral Major Abbas Ibrahim, drejtor i Përgjithshëm i Sigurisë së Libanit dhe me Konsullin e Përgjithshëm të Shqipërisë në Liban Z. Marc Ghorayeb. Ata ndodhen në Tiranë për një vizitë dy ditore. I falënderova sërish për kontributin e jashtëzakonshëm që kanë dhënë për riatdhesimin e shqiptarëve nga kampet e ferrit në Siri. Mirënjohja jonë ndaj tyre do të mbetet e përjetshme. Me Gjeneralin dhe Konsullin, si dhe struktura tona të Policisë së Shtetit po vijojmë punën për riatdhesime të tjera nga ata që kanë mbetur ende pas. Janë operacione të vështira që marrin kohë, por tashmë kemi një përvojë të mirë dhe vendosmërinë e duhur për t’i shkuar deri në fund gjërave”, shprehet Çuçi.
Ndërkohë, drejtori i Përgjithshëm të Sigurisë së Libanit, Abbas Ibrahim ka zhvilluar edhe një takim me Kryetaren e Kuvendit, Lindita Nikollën. I pranishëm në takime ka qenë edhe Konsulli i Përgjithshëm i Shqipërisë në Liban Marc Ghorayeb.
Kryetarja e Kuvendit, Lindita Nikolla, priti në një takim Drejtorin e Përgjithshëm të Sigurisë së Libanit, Abbas Ibrahim. Në takim ishte i pranishëm edhe Konsulli i Përgjithshëm i Shqipërisë në Liban, Marc I. Ghorayeb.
Siç njofton zyra e shtypit, Nikolla e falënderoi Gjeneralin Abbas Ibrahim për kontributin e tij shumë të madh për riatdhesimin e fëmijëve dhe të grave shqiptare prej kampeve në Siri si edhe në mbështetjen për personelin shqiptar përgjatë operacioneve të riatdhesimit në terren. Ndërkohë, Nikolla theksoi se Shqipëria është e vendosur kundër terrorizmit e ekstremizmit.
“Shqipëria i është bashkuar me vendosmëri aleatit tonë strategjik, ShBA, në luftën e papajtueshme kundër terrorizmit dhe ekstremizmit të dhunshëm. Terrorizmi dhe ekstremizmi i dhunshëm maskohen pas motive fetare, por nuk kanë asgjë të përbashkët me besimin dhe Islamin”, tha Nikolla.
Gjeneral Major Abbas Ibrahim, uroi Nikollën për detyrën e re, teksa shprehu vlerësimet për kontributin e Qeverisë së Shqipërisë për paqen e sigurinë në rajon e më gjerë.
"Shqipëria është për dialog e jo konflikt midis qytetërimeve si edhe për bashkëjetesë e harmoni dhe jo urrejtje midis besimeve e komuniteteve fetare dhe për këtë qëllim ofron jo vetëm modelin, por edhe kontributin e saj", tha Abbas Ibrahim.
Lajme të tjera
-
Pas Gazës, Libanit dhe Sirisë, Izraeli gati për frontin e katërt të luftës! Al Jazeera: Po përgatitet të sulmojë Jemenin! SHBA sulm ajror ndaj rebelëve Huthi
17 Dhjetor, 09:28 -
Trupat izraelite nisin të tërhiqen nga Libani! Rezoluta e OKB-së bën thirrje për armëpushim të menjëhershëm dhe lirimin e pengjeve
12 Dhjetor, 07:27 -
Lufta/ Ministri i Mbrojtjes së Izraelit: Nëse armëpushimi nuk zbatohet, ne do të shkojmë më thellë në Liban
3 Dhjetor, 13:56 -
Lufta në Rripin e Gazës/ Trump: Pengjet në Gaza të lirohen deri më 20 janar, përndryshe përgjegjësit do ta paguajnë shtrenjtë
2 Dhjetor, 15:01 -
Vlorë/ Rama inspekton punimet në Qendrën Multifunksionale dhe Aeroportin e ri: Ambicie të mikpresim ajkën e inovacionit! Punë ditë-natë, natë-ditë
28 Nëntor, 15:00 -
Izraeli: Armëpushimi me Hezbollahun është dhunuar! Goditen tre qytete në juglindjen e Libanit
28 Nëntor, 12:16
-
Lufta/ Kryeministri i Izraelit: Nëse shkelet armëpushimi në Liban, kam udhëzuar ushtrinë për luftë të ashpër
28 Nëntor, 08:07 -
Me arritjen e marrëveshjes së armëpushimit ndërmjet Izraelit dhe Hezbollahut, vëmendja kthehet në Gazë
27 Nëntor, 18:55 -
Lufta e Izraelit me Hezbollahun/ Hyn në fuqi armëpushimi, festë në rrugët e Bejrutit
27 Nëntor, 07:26 -
Netanyahu: Po armëpushimit në Liban, nëse Hezbollah shkel marrëveshjen ne do e godasim! Biden: Hyn në fuqi nesër
26 Nëntor, 07:16 -
Lufta/ Bombardime mes Izraelit dhe Hezbollahut, 16 të vrarë dhe dhjetëra të plagosur! 20 raketa nga Libani drejt Galilesë, Hamas: Mbi 44 të vdekur në 13 muaj
25 Nëntor, 13:54 -
Media: Biden dhe Macron do të shpallin armëpushimin në Liban nesër! Lideri Suprem i Iranit: Netanyahu dhe ministri i tij duhet të dënohen me vdekje
25 Nëntor, 08:12
