POP 5

Lajmet më të lexuara të 5 minutave të fundit

Ekonomi

Ministri Sokol Olldashi shpall
fitues ata që “s’punojnë të shtunave”

Shpallja e fituesve të tenderave për objekte të mëdha infrastrukturore, që po kryhet me nxitim nga sistemi i Punëve Publike e Transportit, vështirë se siguron përsëritjen e situatës së para disa viteve, kur punohej në shumë fronte njëherësh për ndërtimin e rrugëve nacionale.
TIRANE - Shpallja e fituesve të tenderave për objekte të mëdha infrastrukturore, që po kryhet me nxitim nga sistemi i Punëve Publike e Transportit, vështirë se siguron përsëritjen e situatës së para disa viteve, kur punohej në shumë fronte njëherësh për ndërtimin e rrugëve nacionale.

Kjo situatë u shfaq kur, krahas “rrugës së kombit”, punohej edhe në Vlorë, Tepelenë, Shkodër, Rrugën e Arbërit, etj. Për të gjithë këto segmente janë shpallur fitues të tenderave, madje kanë nisur punimet, por për shumë prej tyre ende nuk ka një fund të përcaktuar qartë.

Më 27 prill, në një reagim qesëndisës ndaj kryetarit të opozitës Edi Rama, që kishte konstatuar mungesën e punimeve një ditë të shtunë në akset nacionale që ky i fundit kishte përshkuar, më datë 27 prill ministri Sokol Olldashi deklaroi se “[Rama] tha se nuk kishte parë njeri duke punuar.

Por, Ramës i ka dalë nga mendja se sot është e shtunë dhe dynjaja e ka pushim. Ka vetëm një kantier në Shqipëri ku punohet edhe të shtunën, autostrada Tiranë-Elbasan. Zahmet e ka zoti Rama, le t'i bjerë andej në kthim dhe të shohë si punohet.

Në mos, duhet të presë të hënën”. Në fakt, kush e njeh sektorin e ndërtimit në Shqipëri ka konstatuar se në të ditët pushim respektohen vetëm kur s’ka para për të vazhduar punën. Kjo ka vlerë edhe tek shteti, ashtu sikurse ka tek firmat private.

Kështu, në rast se ministria dhe institucionet buxhetore në vartësi të saj japin psh 1.5 milionë euro, nga 55 milionë, që kërkohet për t’i përfunduar ato, ka shumë mundësi që punëtorët e ndërtimit të detyrohen nga drejtuesit e tyre të bëjnë pushime shtatë ditë në javë e jo më të pushojnë të shtunave e të dielave.

Në po këtë reagim, kreu i Transporteve i kishte lejuar vetes edhe një lapsus aritmetik. Sipas Olldashit, qeveria ka ndërtuar 10.237 kilometra rrugë, baraz me “5.118.5 Edë”. Llogaritur kështu, kreu i PS rezulton me gjatësi 2 kilometra, e jo 2 metra.

Shkrimi u botua sot në gazetën Shqiptarja.com (print) 05.05.2013

Redaksia Online
(b.m/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Spanjë/ Kapet gomonia me sasi të madhe kokaine, arrestohen 7 shqiptarë

Spanjë/ Kapet gomonia me sasi të madhe kokaine, arrestohen 7 shqiptarë

15 Janar, 21:46