POP 5

Lajmet më të lexuara të 5 minutave të fundit

Kultura

‘Ministria e Gjuhësisë’/ Ekspertja e komunikimit Irsa Ruçi: ‘Pjesë e identitetit që duam të transmetojmë nëpër breza’

Ekspertja e komunikimit Irsa Ruçi pak kohë më parë hodhi idenë e krijimit të ‘ Ministrisë së Gjuhësisë’ si pjesë e identitetit që duam të transmetojmë nëpër breza.

TIRANË- Në një intervistë në ‘Rreze Dielli’ u diskutua mbi një problematikë që po zmadhohet gjithmonë e më shumë, varfërimi dhe ‘ndotja’ e gjuhës shqipe me fjalë të huaja. Irsa Ruçi eksperte e komunikimit dhe Elsa Ymeri radiofolëse diskutuan mbi varfërimin dhe humbjen e gjuhës shqipe.

Ekspertja e komunikimit Irsa Ruçi pak kohë më parë hodhi idenë e krijimit të ‘ Ministrisë së Gjuhësisë’ si pjesë e identitetit që duam të transmetojmë nëpër breza.

‘’Jo për tangërllëk, jo për patriotizëm, as për nacionalizëm, as për një formë as për një tjetër, por për t’a ruajtur gjuhën shqipe dhe për ta përçuar atë, në brezat e tjera. Nuk është e rëndësishme ministria thjesht në kuptimin e një buxheti që duhet harxhuar, por në kuptimin e një zëri, identiteti shtetëror që duhet të ketë’’ u shpreh ajo.

Por si mund të realizohet kjo ide dhe cila është problematika që duhet të përpiqemi të rregullojmë:

‘’Nuk është nevoja tek pjesa e shpenzimit të buxhetit, është tek pjesa tjetër, vëmendja që duhet kushtuar, pra nuk është nevoja të investojmë para pafund por mund të investojmë në kapacitete njerëzore dhe profesionale por duhet ngritur një sistem profesionist. Po ta shikoni që në tekstet shkollore, tekstet janë ‘ Oh la la’ ‘ Oh le le’ domethënë i gjithë vargu i një poezie është vargu i një kënge që është banalizuar dhe ka dalë në publik. Sot kemi tekste pa kuptim që nuk i mëson asnjë gjë një fëmije’’ tha ajo.

Por çfarë duhet të bëjnë institucionet përkatëse:

‘’Institucionet kompetente duhet të krijojnë një fjalë për shqipen, duhet të fusin në fjalorin e shqipes për fjalën ‘ Puntatë’ duhet të vendosin fjalën që i përshatet në shqip, pastaj avash avash ne do të kultivojmë mënyrën e të menduarit tonë dhe do ta sjellim në gjuhën shqipe’’ përfundoi ajo.

D.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Mozambiku në kaos pas protestave, 33 të vdekur nga revolta në burg dhe mbi 1500 të arratisur

Mozambiku në kaos pas protestave, 33 të vdekur nga revolta në burg dhe mbi 1500 të arratisur

26 Dhjetor, 16:46