Ministrit shqiptar i vjedhin makinën zyrtare, hajduti 43-vjeçar kapet duke hyrë në Shqipëri në doganën e Qafë Morinës

Ministrit shqiptar i vjedhin makinën zyrtare, hajduti 43-vjeçar kapet duke hyrë në Shqipëri në doganën e Qafë Morinës

Liburn Aliu, ministër në Kosovë

Liburn Aliut, Ministrit të Infrastrukturës në Kosovë i vodhën makinën zyrtare mbrëmjen e të martës, ndërkohë që ishte e parkuar në ambientet e Ministrisë. Makina u ndalua në doganën e Qafë Morinës, pasi policia kufitare konstatoi se diçka nuk shkonte me personin që ishte në timon, e që tentoi të kalonte në Shqipëri me makinën e ministrit.

Policia e Tropojës arrestoi personin që ka vjedhur makinën, Bastri Sadriu 43 vjeç, banues në Obiliq, Kosovë.

Mediat në Kosovë shkruajnë se sot në mëngjes është paraqitur vetë në polici shoferi i ministrit Liburn Aliu, shtetasi me inicialet P. Th., i cili ka deklaruar se mbrëmë rreth orës 22:30-22:45, ministri Liburn Aliu kishte parkuar makinën e tij zyrtare Audi A3, ngjyrë e zezë me targa zyrtare 3Z-***, në parkingun e kësaj Ministrie.

Ndërkohë, në orët e hershme të mëngjesit, rreth orës 04:30, mësohet se është telefonuar nga Policia e Kosovës përgjegjësi për makinat e kësaj Ministrie, sepse në Pikën Kufitare “Qafë e Morinës” ishte ndalur makina zyrtare e ministrit Liburn Aliu nga ana e zyrtarëve policorë, pas dyshimeve në shoferin e makinës.

Policia njoftoi se mjeti me të cilin lëvizte Liburn Aliu dhe personi që e kishte vjedhur, u ndaluan në Pikën e Kalimit Kufitar të Morinës. Specialistët për Hetimin e Krimeve në Komisariatin e Policisë Tropojë e arrestuan 43-vjeçarin në flagrancë, për veprën penale "Trafikimi i mjeteve motorike".

Materialet i kaluan Prokurorisë pranë Gjykatës së  Rrethit Gjyqësor Tropojë, për veprime të mëtejshme.

D.GJ/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • UKU MOMLIT: 17/08/2022 17:41

    Hahahahahaha çfare njoftimi. Na kujtove ish ministrin e brendeshem shqiptare spartakPoçin,kur udhetonte per ne Greqi me makine te vjedhur dhe shteti grek i sekuestroj makinen ne doganen e Kakavise. Çfare turpi eshte te ta vjedhin makinen? ÇFARE TURPI ESHTE KUR MINISTRI UDHETON ME MAKINE TE VJEDHUR DHE SHTETI QE DO E PRET JA SEKUESTRON?

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Koncesioni ‘politik’ PS-Rithemelimi, Korreshi në 'Frontline': Nuk do pengojmë SPAK-un

Koncesioni ‘politik’ PS-Rithemelimi, Korreshi në 'Frontline': Nuk do pengojmë SPAK-un