Ministrja e Bujqësisë dhe Zhvillimit Rural, Frida Krifca po zhvillon një vizitë zyrtare pune në Itali, në rajonin e Kalabrisë, në zonën arbëreshe. Pas vizitës së kryeministrit Rama, i cili shtroi rrugën e zhvillimit dhe bashkëpunimit mes Shqipërisë dhe komunitetit arbëresh, tashmë prodhuesit e të dy krahëve po ndërtojnë urat konkrete të shkëmbimit tregtar.
Me ministren Krifca ndodhet kryetari i Bashkisë Berat, Ervin Demo, disa nga prodhuesit e verës shqiptare, të bujtinave dhe agroturizmave si dhe përfaqësues të prodhimit të vajit të ullirit dhe prodhimeve të tjera, të cilët jo vetëm do të prezantojnë punën e tyre, por dhe lidhin kontrata me partnerët italianë.
Ministrja mori pjesë në tryezën e rrumbullakët me temë “Rikthim në bujqësi, inovacion dhe south working, revolucioni digjital dhe zhvillimi kompetitiv i Mesdheut identitar dhe të dallueshëm.” Në fjalën e saj ministrja Krifca vlerësoi partneritetin tregtar me shtetin Italian, në kuadër të së cilit eksportet e vajit të ullirit në pesë muajt e parë të këtij vitit shënuan rritje të ndjeshme.
"Në Itali, në pesë muajt e fundit kemi eksportuar pesë herë më shumë se në të njëjtën periudhë të vitit të kaluar. Krahas vajit të ullirit eksportojmë verë, domate, perime, peshk, fruta, ujë mineral etj. Para disa vitesh ne eksportonim vetëm pak më shumë se 100 milionë euro mallra bujqësore. Vitin e kaluar kemi eksportuar 500 milionë euro dhe jemi në rrugën e duhur për të thyer barrierën e eksporteve bujqësore prej 1 miliard eurosh në disa vite të tjera” - theksoi Krifca.
Ministrja Krifca u ndal dhe në krijimin e një brandi të përbashkët italo-shqiptar në fushën e verës, vajit të ullirit apo produkteve të tjera ushqimore. Sipas ministres Krifca, zonat me komunitet arbereshe janë zonat e duhura nga do të nisin këto investime të përbashkëta.
Në fund të fjalës së saj ministrja Krifca preku dhe temën e rëndësishme të sigurisë ushqimore:
"Ajo që duam është ekselenca dhe njohuritë që e kanë bërë Italinë një lider botëror në industrinë ushqimore, të implemtohen edhe në Shqipëri.” Në këtë drejtim, vijoi ajo, falë financimit prej 22 milionë eurosh nga Italia, jemi gati të fillojmë zbatimin e një projekti që do të riparojë totalisht laboratorët tanë të sigurisë ushqimore. Për më tepër, projektet do të lejojnë ndërtimin e disa laboratorëve modernë në pikat e kontrollit kufitar, duke lejuar përputhjen totale me standardet e sigurisë të BE-së.
I pranishëm në takim, kryetari Bashkisë Berat, Ervin Demo, deklaroi se në festivalin e ardhshëm të verës në Berat, në muajin tetor do të organizohen për herë të parë ditët arbereshe. Në këtë organizim të gjithë pjesëmarrësit do të mund të njihen me prodhimet arbëreshe të zonës së Calabrise dhe Basilicates.
Ministrja Krifca së bashku me kryetarin e Bashkisë së Beratit Demo u pritën në një takim të veçantë nga Ipeshkvi i Rossano Cariati, Mons. Maurizio Aloise si dhe përfaqësues të lartë të autoriteteve të Bashkisë Corigliano Rossano dhe Altamores, e të komunitetit të biznesit arbëresh.
Lajme të tjera
-
Gripi i shpendëve, Ministria e Bujqësisë: Asnjë person i prekur! Gjatë fundjavës u monitoruan 2304 ferma me rreth 97 mijë shpendë
4 Nëntor, 09:36 -
Buxheti për Bujqësinë rritet vetëm me 6,7 milionë euro më 2025-ën, në rënie financimi i huaj
3 Nëntor, 16:47
-
Zbulohet vatër e gripit të shpendëve në Tiranë! Ministria: Vatra u karantinua! Ndalohet lëvizja e shpendëve nga fermat Vorë dhe Kamëz
2 Nëntor, 09:28 -
Skema Kombëtare e Investimeve për fermerët, Veliaj: Aplikoni deri më 8 Nëntor për të përfituar falas pajisje që lehtësojnë punën tuaj
8 Tetor, 16:21 -
Hyn në fuqi skema e re 5 mln euro për bujqësinë, shteti grant 50% të investimit në serat diellore! Financim për rrjetat anti-breshër kush mbjell mbi 1 hektar
27 Shtator, 22:26
-
Ministria e Bujqësisë kërkon 2 mln euro garanci sovrane për fermerët! Sektori më i nënfinancuar punëson mbi 565 mijë persona
21 Shtator, 07:44
-
Vendimet e qeverisë/ Miratohet 'Skema Kombëtare e Investimeve në ferma', Denaj: 50 % grant për fermerët, aplikimet nisin nga 1 tetori
18 Shtator, 12:21 -
Denaj në Komisionin për Ekonominë dhe Financat: Prodhimi organik, prioritet për të ardhmen e bujqësisë shqiptare
16 Shtator, 12:01 -
Bujqësi, Veterinari dhe Teknologji Ushqimore, Denaj fton të rinjtë t’i drejtohen shkollave profesionale
10 Shtator, 09:46 -
‘Baxhot përdorin vaj palme’, Denaj i përgjigjet opozitës: E pavërtetë, analizat u bënë në Çeki! Do ulim me 10% TVSH për importin e mishit për sallam
9 Shtator, 13:11
-
Denaj te Ligjet: Ndryshime në ligjin për shërbimin veterinar garanton gjurmueshmërinë në zinxhirin ushqimor
9 Shtator, 12:36 -
Në tetor çelet skema kombëtare e investimeve në Bujqësi! Denaj: Po jepen fondet për fermerët që aplikuan për skemën
4 Shtator, 19:39
