Ministrja e Jashtme e Gjermanisë: Negociatat me Shqipërinë dhe Maqedoninë e Veriut të hapen brenda këtij gjashtëmujori, të mbajmë premtimet tona

Ministrja e Jashtme e Gjermanisë: Negociatat me Shqipërinë dhe Maqedoninë e Veriut të hapen brenda këtij gjashtëmujori, të mbajmë premtimet tona

Flamuri maqeonas, shqiptar dhe i BE

Ministrja e Jashtme e Gjermanisë Annalena Baerbock deklaroi se negociatat e anëtarësimit me Shqipërinë dhe Maqedoninë e Veriut duhet të hapen në gjysmën e parë të këtij viti.

Ajo shtoi se Serbia nëse dëshiron të bëhet anëtare e BE-së, duhet të përafrohet me sanksionet ndaj Rusisë.

“Është jashtëzakonisht e rëndësishme që të mos zhgënjejmë jo vetëm Ukrainën, por edhe vendet që kanë parë prej kohësh të ardhmen e tyre në Bashkimin Evropian dhe të mbajmë premtimin tonë për anëtarësim në BE. Kjo do të thotë vendet e Ballkanit Perëndimor, para së gjithash, Shqipëria dhe Maqedonia e Veriut. Është përgjegjësia jonë që përfundimisht të hapim negociatat e anëtarësimit për Shqipërinë dhe Maqedoninë e Veriut në gjysmën e parë të këtij viti. Ky është një hap i vonuar”, tha ministri i Jashtëm.

Ajo shtoi se ka zhvilluar një bisedë dypalëshe me ministrin e Jashtëm bullgar dhe ka shprehur shpresën se pikat e pazgjidhura mes Bullgarisë dhe Maqedonisë së Veriut mund të zgjidhen.

“Kjo vlen edhe për vendet e tjera të Ballkanit Perëndimor që në këto ditë dhe javë e kanë bërë të qartë se të ardhmen dhe sigurinë e tyre e shohin në Bashkimin Evropian. Prandaj, shumica e tyre janë rreshtuar me sanksionet e BE-së”, tha Baerbock.

Ajo theksoi qëndrimin e saj lidhur me Serbinë, duke thënë se duhet patjetër të mbështesin poltikën e jashtme të BE-së dhe sanksionet e saj, duke iu referuar në këtë pikë agresionit rus në Ukrainë.

 “Nëse doni të bëheni anëtare e BE-së, dhe kjo është ajo që dëshiron Serbia, është një çështje qendrore të mbështesim politikën e jashtme të BE-së dhe sanksionet përkatëse në ato momente”, përfundoi Baerbock.

Këshilli i Punëve të Jashtme, i kryesuar nga Përfaqësuesi i Lartë Josep Borrell, u mblodh dje për të diskutuar mbi agresionin rus kundër Ukrainës.

Sipas deklaratës për shtyp, ministrat kanë folur edhe për Ballkanin Perëndimor në kuadër të marrëdhënieve dhe bashkëpunimit me BE-në.

Kujtojmë se gjatë ditës së djeshme kryeministri Edi Rama ka zhvilluar një takim me kancelarin gjerman Olaf Scholz me të cilin diskutuan rëndësinë e Shqipërisë në arenën ndërkombëtare dhe anëtarësimin e saj në BE.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Të dielën takohen në ring, Florian Marku 'kërcënon' rivalin: Duhet të më hedhë 'KO', nuk jam këtu rastësisht

Të dielën takohen në ring, Florian Marku 'kërcënon' rivalin: Duhet të më hedhë 'KO', nuk jam këtu rastësisht