Në kuadër të vizitës zyrtare të delegacionit shqiptar në Turqi, Ministrja e Arsimit, Sportit dhe Rinisë Evis Kushi është takuar në Stamboll me homologun e saj turk.
"Në Stamboll, ku pata kënaqësinë të takohesha me homologun Ziya Selçuk, Ministër i Arsimit Kombëtar i Republikës së Turqisë, vlerësuam bashkërisht ecurinë e deritanishme të marrëdhënieve tona dypalëshe", shprehet Ministrja Kushi në publikimin e saj.
Ndërkohë, Kushi njofton së gjatë takimit me ministrin turk është diskutuar më konkretisht mbi pikat e zbatimit të marrëveshjes së nënshkruar në fillim të këtij viti mes dy vendeve.
![](https://shqiptarja.com/template/img/NO_ALFA_Kuadrate shqiptarja.png)
Ndër të tjera, ajo nënvizon se mes dy palëve është shprehur vullneti i përbashkët për thellimin e mëtejshëm të bashkëpunimit mes Shqipërisë e Turqisë në fushën e arsimit.
Kushi ishte pjesë e delegacionit shqiptar, në vizitën 2-ditore në Turqi.
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Skenderbeut do ia ndryshoni letrat kesaj radhe
Përgjigju