POP 5

Lajmet më të lexuara të 5 minutave të fundit

Sociale

Ministrja Xhaçka jep mesazhin e bukur bashkë me vajzën: T'i miqësojmë fëmijët me librin

Ajo ka zgjedhur t’i lexojë vajzës së saj të madhe librin plot fantazi të novelistit britanik Roald Dahl, “Gjigandi i madh i mirë”, duke ftuar dhe sfiduar fëmijët të lexojnë sa më shumë, një nismë kjo e Qendrës Kombëtare të Librit dhe Leximit, që për qershorin synon ta kthejë në muaj leximi për fëmijët.

Ministrja e Mbrojtjes, Olta Xhaçka ka përcjellë një mesazh për të gjithë fëmijët bashkë me vajzën e saj të vogël, Hana.

Ajo ka zgjedhur t’i lexojë vajzës së saj të madhe librin plot fantazi të novelistit britanik Roald Dahl, “Gjigandi i madh i mirë”, duke ftuar dhe sfiduar fëmijët të lexojnë sa më shumë, një nismë kjo e Qendrës Kombëtare të Librit dhe Leximit, që për qershorin synon ta kthejë në muaj leximi për fëmijët.

Xhaçka, nënë e dy vajzave, Hana dhe Gaia, shfaqet në një video të veçantë në krah të vajzës së saj 5 vjeçare, duke lexuar historinë e Sofisë dhe gjigandit të madh e të mirë, që mbledh ëndrrat e bukura dhe ua dërgon fëmijëve. Një libër jo vetëm plot humor e argëtues, por edhe që përcjell mesazhe për miqësinë dhe besimit reciprok.

“Nisma e Qendrës Ndërkombëtare të Librit e Leximit, që qershori të jetë muaji i leximit për fëmijët është një lajm i mirë. Sepse sa më shumë t'i miqësojmë fëmijët tanë me librin, aq më shumë do të zhvillojmë dijet, ëndrrat dhe dëshirat e tyre në të ardhmen. Kjo është një nga arsyet pse unë zgjodha t'i rikthehem pas shumë vitesh një libri shumë të dashur në mbarë botën, "Gjigandi i madh i mirë”, por kësaj radhe për vajzën time Hana. Kjo përzgjedhje nuk ishte e rastësishme, për më tepër që në kohët e sotme, nuk është e lehtë të ndërtosh marrëdhëniet e duhura të miqësisë e të besimit reciprok. Por tek “Gjigandi i madh i mirë”, një vajzë e vogël, me energjinë e madhe që ka brenda vetes për t’iu afruar diçkaje të panjohur e të çuditshme, na mëson se pasi ka larguar frikën, kurioziteti dhe dëshira e shtyjnë drejt një bashkëpunimi që sjell vetëm mirësi”, shkruan Xhaçka.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Të burgosur prej vitesh në Kinë, lirohen tre amerikanët e burgosur, marrëveshja e rrallë diplomatike me Pekinin

Të burgosur prej vitesh në Kinë, lirohen tre amerikanët e burgosur, marrëveshja e rrallë diplomatike me Pekinin

27 Nëntor, 22:19