Vetëm një ditë na ndan nga finalja e madhe e “Final 4” mes Partizanit dhe Egnatias për titullin në Superligën e futbollit. Të diel në 19:00 në stadiumin “Air Albania, Tiranë” do vendoset gjithçka teksa dy skuadrat më të mira do të vihen përballë për herë të dytë këtë sezon në një finale të madhe, pas asaj të Superkupës që u zhvillua më 20 dhjetor 2023.
Në atë sfidë triumfoi Partizani me rezultatin minimal 1-0, megjithatë në fushë nuk kishte asnjë diferencë dhe të dyja skuadrat luftuan dhe dhuruan spektakël deri në minutën e fundit.
Partizani synon mbrojtjen e kurorës së kampionit dhe titullin e 18-të, ndërsa Egnatia është gati për të shkruar historinë dhe kërkon titullin e parë kampion që prej krijimit të klubit.
Veç skuadrave, përballë në fushë do vendosen edhe dy filozofi e dy trajnerë. Edlir Tetova i Egnatias dhe Orges Shehi i Partizanit janë miq jashtë fushe, teksa tre sezone më parë kanë qenë pjesë e Tiranës.
Kur Shehi u ul në stolin e bardhebluve mori si krah të djathtë Tetovën, ndërsa fati e do që miqtë nga Durrësi të diskutojnë trofeun mes tyre. Katër trofe ka fituar Shehi në karrierën si trajner, teksa dy për Tetovën me Egnatian.
Kësisoj, ndeshja në fushë do jetë përtej futbollit, me miqtë që do jenë rivalë në këtë duel.
Shpërbimet - Përveç trofeut, fituesi me skemën ‘final-four’, do marrë edhe 10 milionë lekë shpërblim nga federata, ndërsa gjithashtu do luajë në eliminatoret e Champions League, që sjellin edhe frymëmarrje ekonomike për skuadrat shqiptare. Edhe nëse nuk kalon asnjë tur, fillimisht në Champions League dhe më pas në Conference League, fituesja e Superligës do sigurojë minimalisht 960 mijë euro nga UEFA, e cila ka rritur shpërblimet për skemat e reja që do përdorë.
Ndërkohë janë mësuar edhe ndihmësit e gjyqtarit anglez Anthony Taylor i cili do drejtoje finalen e final-four. Ndihmësit e tij do jenë Gary Beswick, Adam Nunn dhe Robert Jones në VAR.
Lajme të tjera
-
Zyrtare/ Egnatia firmos me Regi Lushkjan dhe mbrojtësin azer
10 Qershor, 21:04 -
Partizani nuk humbet kohë, nis nga puna për Conference League
8 Qershor, 16:52 -
Disiplina dhe Etika i bllokojnë merkaton Skënderbeut, paralajmërohet Tirana
7 Qershor, 17:01 -
Zyrtare/ Ka luajtur në Champions League, Tirana emëron drejtor sportiv Agim Ibraimin
31 Maj, 21:44 -
Zyrtare/ Tirana pa kapiten, largohet edhe Erion Hoxhallari
29 Maj, 16:34 -
Zyrtare/ AF Elbasani konfirmon Nevil Deden për Superligën, afron në stol ish-portierin e Kombëtares
29 Maj, 16:01 -
VIDEO/ Dwamena u shfaq në ekranin e 'Air Albanias', si ish-kapiteni i ndjerë motivoi Egnatian në finalen me Partizanin
28 Maj, 20:08 -
Fituan titullin kampion, Egnatia bën ndryshime në stadium
28 Maj, 19:34 -
Fitimi i titullit, Demrozi premton 3 shpërblime për stafin! Aleksi: Presidenti e mban fjalën, paratë i mban në makinë
27 Maj, 13:07
-
Historike/ Egnatia mposht 0-1 Partizanin në finale dhe fiton për herë të parë trofeun e Superligës shqiptare! 'Demat' zbresin nga froni
26 Maj, 20:57 -
Durrës/ Sherr masiv në Pallatin e Sportit, mësohet shkaku i përleshjes mes sportistëve
25 Maj, 21:07 -
Final 4/ Orges Shehi: Këmbë dhe tru për të mposhtur Egnatian në finale
25 Maj, 17:23
