POP 5

Lajmet më të lexuara të 5 minutave të fundit

Sport

Miqësorja në 'Air Albania' kundër Bullgarisë, ndeshja ku evidentohen tifozët e vërtetë të kombëtares

Ndryshe nga 12 tetori në miqësoren me Bullgarinë, gjasat janë që këtë herë në stadium të jenë tifozët të cilët e duan kombëtaren pa kushte.

Miqësorja në 'Air Albania' kundër Bullgarisë, ndeshja ku evidentohen tifozët e vërtetë të kombëtares

Tifo grupi 'Tifozët Kuq e Zi' të Kombëtares

Më 17 tetor kombëtarja do të zbresë në fushë pas suksesit me Çekinë, pasi në ‘Air Albania’ është në program miqësorja me Bullgarinë. Kjo do jetë miqësorja e parë që kuqezinjtë do luajnë nën drejtimin e Sylvinho-s, i cili e nisi në malore aventurën me Shqipërinë, pasi në ndeshjen debutuese u mposhtëm 1-0 ndaj Polonisë.

Megjithatë prej asaj periudhe kombëtarja ka bërë gjëra mbreslënëse në fushën e lojës dhe më shumë mundësi të martën do marrin minuta futbollistët si Muçi, Uzuni, Laçi, Balliu dhe të tjerë të cilët nuk patën mundësi të enjten.

Mirëpo ndryshe nga ndeshja me Çekinë këtë herë herë interesimi për të shkuar në stadium ka qenë i ulët. Për ndeshjen kualifikuese të 12 tetorit biletat avulluan në më pak se dy orë dhe ishte një mision i pamundur për t’u futur në sistem, ndërsa tani në dukje do vihen tifozët e vërtetë të kombëtares. Ata të cilët e duan pa kushte dhe që nuk e mbështesin vetëm në momente të mira.

Postimi i FSHF-së:

"Nuk ka rëndësi a është ndeshje zyrtare apo miqësore: Fanella e Kombëtares respektohet gjithmonë!

Pas fitores së rëndësishme 3-0 ndaj Çekisë të enjten e 12 tetorit, Kombëtarja shqiptare do të rikthehet sërish të luajë në stadiumin ‘Air Albania’. Këtë herë ndaj Bullgarisë, një sfidë jozyrtare, një takim miqësor që ka po aq shumë rëndësi sa ndeshjet e tjera që ka luajtur Shqipëria. Luajmë ndaj ballkanasve, një ekip prestigjioz që dikur mundi 2-1 Gjermaninë në çerekfinalet e Kampionatit Botëror ‘SHBA 1994‘ dhe shkoi deri në gjysmëfinalet e këtij kompeticioni.

Menjëherë pas sfidës me Çekinë, kuqezinjtë zbritën në fushë të premten dhe nisën përgatitjet për këtë ndeshje. Kundërshtari nuk ka aspak rëndësi, nëse është Polonia, Çekia apo Bullgaria, ashtu sikurse nuk është e rëndësishme se për çfarë luhet. Kuqezinjtë e kanë marrë po aq seriozisht sa Çekia ndeshjen me Bullgarinë, paçka se është një miqësore. Nuk është fort e lehtë të mbash veshur fanellën e Kombëtares dhe të përfaqësosh një popull. Fanella e Kombëtares duhet djersitur e duhet respektuar.

Shqipëria kërkon të mbajë të njëjtën formë si në ndeshjet e fundit, të njëjtin ritëm triumfesh e golash, por nga ana tjetër kërkon të njëjtën atmosferë tifozësh në stadium. Pavarësisht se një gol u anullua ndaj Çekisë, fitorja 3-0 erdhi pa dyshim edhe nga kori i tifozëve shqiptarë, që i jep edhe më shumë forcë lojtarëve tanë në fushë. Çdo përfaqësuese në botë ka mbështetës, por Shqipëria ka pa dyshim tifozët më të mrekullueshëm në botë. Janë ata që i japin më shumë zemër kuqezinjve, ata që e mobilizojnë Kombëtaren në çdo ndeshje.

Fanella e Kombëtares është unike. Dhe tani duhet respektuar më shumë se kurrë. Nuk ka rëndësi se me kë luajmë, rëndësi ka të jemi të gjithë NJË për Kombëtaren! Të martën, Shqipëria luan ndaj Bullgarisë në stadiumin ‘Air Albania’ në ora 18:00. Le të jemi të gjithë bashkë aty për ta."

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Toni: 16/10/2023 13:05

    Patjetër,FSHF pasi e ngritët me biletat për Çekinë tani na jepni dhe kurajë për të mbushur akoma arkën tuaj që është e shpuar nga poshtë dhe rrjedh te xhepi i Duke Armandit. Ishalla s'vjen njeri

    Përgjigju
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Përmbytjet ‘apokaliptike në Spanjë, shkon në 213 numri i viktimave

Përmbytjet ‘apokaliptike në Spanjë, shkon në 213 numri i viktimave

2 Nëntor, 22:53