POP 5

Lajmet më të lexuara të 5 minutave të fundit

Politikë

‘Miqtë e fëmijëve’, 50 deputetë kundër dhunës  te të miturit! Vrasja në Fier, Vokshi: Dështoi mekanizmi i parandalimit

Ka marrë jetë në Kuvendin e Shqipërisë grupi “Miqtë e fëmijëve”, një strukturë parlamentare që do të adresojë probleme që lidhen me mbrojtjen e të drejtave të fëmijëve dhe luftës kundër dhunës ndaj tyre. 

Kur kanë kaluar vetëm 3 ditë nga ngjarja tronditëse në fshatin Grecalli të Fierit ku Klodian Çalamani i mori jetën në mënyrë makabre një fëmije 8-vjeç, në Kuvendin e Shqipërisë është zyrtarizuar grupi ‘Miqtë e fëmijëve’. Kryeparlamentarja Lindita Nikolla që ka mbështetur këtë nismë ku janë përfshirë rreth 50 deputetë tha se ky grup do të jetë një instrument për mbrojtjen e fëmijëve nga dhuna dhe për të monitoruar zbatimin e ligjeve që lidhen me të drejtat e tyre.    

“Dhuna ndaj fëmijëve, është turpi i çdo shoqërie. Kemi detyrimin për të përfaqësuar maksimalisht zgjedhësit tanë, për mbrojtjen e të drejtave të tyre. Miratuam përmirësimin e ligjit për dhunën në familje, duke mundësuar masat më efikase dhe efektive për parandalimin e saj”, tha Nikolla.  

Ndërkaq deputetja e PD Albana Vokshi tha se rastet e dhunës dhe të krimeve ndaj fëmijëve siç ishte ai i Fierit, që sipas saj nuk duhet ta kishim lënë të ndodhte, tregojnë se nuk kanë funksionuar mekanizmat për parandalimin e tyre.

Përfaqësuesja e OKB-sw në Shqipëri, ndërsa ka vlerësuar përmirësimet ligjore që janë bërë për mbrojtjen e fëmijëve, ende ka shumë problematika që duhen adresuar dhe duhen parë me prioritet. 

“Ka fëmijë që për shkak të kushteve ekonomike nuk kanë mundur të ndjekin mësimet. Dhuna ndaj fëmijëve është shtuar. Qasja ndaj fëmijëve me aftësi të kufizuar është përkeqësuar. Ka raste të tendencës për të martuar vajzat në moshë minorene. Parlamenti ka për detyrë dhe mundësinë të mbikëqyrë situatën në nivel qendror dhe vendor”, u shpreh ajo.

Grupi i deputetëve ‘Miqtë e fëmijëve’ do të funksionojë në mënyrë të përhershme, duke organizuar punë me strukturat që të ndjekin nga afër çështje që lidhen më mbrojtjen dhe të drejtat e fëmijëve.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Dhuna: 26/11/2021 18:16

    Dhuna ndaj femijve e ka fillesen ne familje, shkolle,shoqeri e lagje. Keto 30 vjet tranzicioni me migrimin brenda vendit, ku familje pa profesion,zanat,te ardhura, lane fshatrat,tokat qe moren dhe erdhen ne qytete e k/qytet e rane ne batak, qe me kete traum qe pesuan duan tre breza te nderkemben. Sa per ate qe martojne vajza ne moshe te vogel,ajo eshte tradite e gollove qe e prune prapambetjen me vete,te cilet edhe pse me pislleqe arriten ketu ne Tirane te veshin rroba firmato, dallojne qe jane gollo.

    Përgjigju
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Dita e parë në detyrë e kreut të Pentagonit, paralajmëron ndryshime të thella

Dita e parë në detyrë e kreut të Pentagonit, paralajmëron ndryshime të thella

27 Janar, 18:02