POP 5

Lajmet më të lexuara të 5 minutave të fundit

Politikë

Miratimi i 3 ligjeve, OSBE:
Tani drejt të ardhmes më të mirë

Ambasdori i OSBE-së Wollfarth e cilësoi një hap konstruktiv  dhe një hap i rëndësishëm për këtë vit vendimtar të Shqipërisë miratimin e 3 ligjeve sot nga Kuvendi i Shqipërisë. "Unë mendoj se gjithë shqiptarët kanë të drejtë të jenë të lumtur", ka qenë reagimi i parë i Wollfarth.
TIRANË - Ambasdori i OSBE-së në Shqipëri, Eugen Wollfarth e cilësoi një hap konstruktiv  të rëndësishëm për këtë vit vendimtar për Shqipërinë, miratimin e 3 ligjeve sot nga Kuvendi i Shqipërisë. Ai ka reaguar menjëherë për mediat pas daljes së tij nga Kuvendi.
 
"Dita e sotme është shumë e rëndësishme për Shqipërinë. Ajo hapi rrugën, me hapa të rëndësishëm të reformës, drejt një të ardhmeje edhe më të mirë. Mendoj se gjithë njerëzit që jetojnë në këtë vend kanë arsye për të qenë shumë të lumtur. Ky është një hap konstruktiv në ndërtimin e një të ardhmeje të mirë për Shqipërinë. Unë dhe stafi im e mirëpresim këtë. Ky hap konstruktiv është veçanërisht i rëndësishëm sepse ai hap rrugën konstruktive për gjysmën e dytë të vitit, pasi ky vit vijon të jetë vendimtar për Shqipërinë. Dëshiroj të përgëzoj të gjithë ata që kanë qenë të përfshirë në përgatitjen e këtyre ligjeve dhe në miratimin e tyre sot. Nuk mund të resht së thëni: ishte hap i rëndësishëm për një të ardhme konstruktive të Shqipërisë. OSBE-ja ishte, është dhe dëshiron të jetë pjesë e procesit të reformave, në të ardhmen, përmes Prezencës së saj në Shqipëri dhe ne jemi të gëzuar që mund të kontribuojmë. Integrim evropian do të thotë më shumë paqe, më shumë mirëqenie dhe kjo është pikërisht arsyeja për të cilën ne japim mbështetjen tonë këtu. Personalisht, jam shumë i çliruar që ky hap u mor sot dhe ndoshta ky është edhe emocioni që ka ngjallur ky miratim në të gjithë vendin: është një ditë çlirimi dhe e çeljes së të ardhmes e le të jetë një ditë e lumtur"
 

Pyetjes se mbyllja e Kuvendit, i mbyll rrugën rikompozimit të KQZ, Wollfarth i është përgjigjur: "Le të jemi optimistë! E kam thënë mendimin tim për KQZ-në, që duhet të jetë e plotë, por le ta ndajmë këtë gjë nga miratimi i 3 ligjeve. Kur ndërton të ardhmen e një vendi s’mund të jesh kurrë aq konstruktiv sa duhet të jesh", përfundoi fjalën e tij, ambasadori i OSBE-së në Shqipëri.  
 
Redaksia Online
(mag/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03