Miratimi i Deklaratës për të Zhdukurit, Osmani: Arritje e suksesshme drejt normalizimit të marrëdhënieve me Serbinë

Miratimi i Deklaratës për të Zhdukurit, Osmani: Arritje e suksesshme drejt normalizimit të marrëdhënieve me Serbinë

Vjosa Osmani

Presidentja e Kosovës, Vjosa Osmani ka folur mbi marrëveshjen e firmosur mes Vuçiçit dhe Kurtit në 2 maj në Bruksel për Deklaratën e Personave të Zhdukur, duke e cilësuar si një arritje të suksesshme drejt normalizimit të marrëdhënieve Kosovë-Serbi.

Ajo tha se java e fundit ka qenë shumë e suksesshme për Kosovën duke nënvizuar miratimin e Deklaratës për personat e Zhdukur me forcë gjatë luftës.  Osmani kërkoi mbështetjen e Britanisë së Madhe dhe vendeve të tjera aleate të Kosovës për zbatimin e kësaj marrëveshje.

“Besoj se java e fundit ka qenë goxha e suksesshme, veçanërisht në një çështje të veçantë, që është miratimi i Deklaratës për Personat e Zhdukur që janë zhdukur me forcë gjatë luftës, është një çështje që e kam shtyrë përpara dhe si Kosovë kemi investuar në këtë sepse janë mbi 1600 familje që ende i kërkojnë të dashurit e tyre që janë rrëmbyer gjatë luftës dhe për këtë arsye llogarisim mbështetje shtesë nga Britania e Madhe që është një nga vendet me rol kryesor për të na mbështetur”, theksoi ajo.

Kujtojmë se më 2 maj, u zhvillua takimi  i radhës për dialogun Kosovë-Serbi mes Kurtit dhe Vuçiçit.

Në këtë ballafaqim u dakordësua Deklarata për të 1600 të Zhdukur gjatë luftës. Ndërsa nuk u arrit një dakordësi mbi formimin e Asociacionit të komunave me shumicë serbe në veri të Kosovës. Të pranishëm në takim ishin edhe përfaqësuesi i lartë i BE-së për politikën e jashtme, Josep Borrell dhe Miroslav Lajçak, i dërguari special i BE-së për dialogun Kosovë Serbi.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Lushnjë, lejuan 37 ndërtime pa leje në 2019-2021, dënohen 12 persona! Mes tyre  2 kryeinspektorë dhe 2 inspektorët e IKMT-së

Lushnjë, lejuan 37 ndërtime pa leje në 2019-2021, dënohen 12 persona! Mes tyre 2 kryeinspektorë dhe 2 inspektorët e IKMT-së