POP 5

Lajmet më të lexuara të 5 minutave të fundit

Sociale

Miratohet Buxheti i Bashkisë së Elbasanit, Opozita voton kundër! Debate mes palëve, Llatja: Ambicioz dhe modest! Himçi: Për fushatë elektorale (VIDEO)

Me 27 vota pro, 8 kundër dhe asnjë abstenim u miratua sot (26 Dhjetor) buxheti i Bashkisë Elbasan për vitin 2025. Buxheti i vitit të ardhshëm arrin vlerën prej rreth 3.8  miliardë lekësh, duke shënuar një rritje prej 5.85% krahasuar me vitin e kaluar. Kalon dhe paketa fiskale 2025

Elbasan- Me 27 vota pro, 8 kundër dhe asnjë abstenim u miratua sot (26 Dhjetor) buxheti i Bashkisë Elbasan për vitin 2025.

Buxheti i vitit të ardhshëm arrin vlerën prej rreth 3.8  miliardë lekësh, duke shënuar një rritje prej 5.85% krahasuar me vitin e kaluar. Sipas kryetarit të Bashkisë Elbasan, Gledian Llatja, këtë vit rriten fondet për mbrojtjen e mjedisit dhe në fushën e arsimit, pasi do të investohet në të paktën 7 shkolla, sidomos përsa i përket eficencës së energjisë.

Ndërsa e majta e konsideron buxhet modest dhe ambicioz, këshilltarët e opozitës nuk e miratuan. Bukurosh Stafa i PS e ciësoi buxhet ambicioz.

Mes debatesh dhe kundërshtish theksuan se buxheti i paraqitur nuk përfaqëson dhe as i shërben qytetarëve elbasanas, por është një buxhet i përdorur kryesisht për fushatën elektorale, pasi një pjesë e konsiderueshme e tij shkon për punonjës sezonal dhe për administratën.

Blendi Himçi, kreu i Grupit të Opozitës, argumentoi se buxheti është politik.

Jo pak kritika të djathtët i kishin për infrastrukturën rrugor, mungesën e vëmendjes për turizmin dhe njësitë administrative.

Në debatet e këshillit, anëtarët Erjon Murataj, i PSD, Artan Kana, i PD, Doris Madhi, e PD dhe Lumturi Hasa e PDIU, dhanë gjithashtu objeksionet dhe mendimet e tyre.

Ndërkohë, me epërsinë e numrave u miratua edhe paketa fiskale për vitin 2025 dhe disa pika bazike të rendit të ditës, ndërsa disa të tjera për të mos i marrë kohë miratimit të buxhetit u shtyn për në mbledhjen e radhës.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06