POP 5

Lajmet më të lexuara të 5 minutave të fundit

Ekonomi

Miratohet dëmshpërblimi për 470
ish- të dënuar politikë

Këshilli i Ministrave miratoi sot vendimin për dëmshpërblimin financiar për 470 ish- të dënuar politikë të regjimit komunist. Është miratuar dhe shpërblimi i pronarëve për sipërfaqet takuese të pasurive të paluajtshme, pronë private, që preken nga ndërtimet informale
TIRANE- Këshilli i Ministrave miratoi sot vendimin për dëmshpërblimin financiar për 470 ish- të dënuar politikë të regjimit komunist. Është miratuar dhe shpërblimi i pronarëve për sipërfaqet takuese të pasurive të paluajtshme, pronë private, që preken nga ndërtimet informale

DEMSHPERBLIMI I TE DENUARVE POLITIKE
Shuma totale e dëmshpërblimit financiar për 470 ish të dënuarit politikë është në masën 2 miliardë lekë. Vendimi përcakton masat e dëmshpërblimit për të tjerë të dënuar politikë, të cilët kanë vuajtur dënimin e kryer në burg, si dhe për familjarët e viktimave, të dënuar me dënim kapital, kërkesat e të cilëve kanë përmbushur kriteret ligjore të përcaktuara në ligjin 9831/2007 (të ndryshuar). Shuma totale e dëmshpërblimit financiar është në masën 2. 045. 944. 000 lekë

DEMSHPERBLIMI I PRONAREVE TE TROJEVE TE ZENA
Ndërsa shpërblimi për pronarët e trojeve të zëna nga ndërtimet pa leje shkon në 370 milionë lekë Vendimi përcakton shpërblimin e pronarëve të ligjshëm, trojet e të cilëve janë zënë nga ndërtimet informale, të kualifikuara për legalizim, në qarqet e Tiranës, të Durrësit, të Dibrës, të Vlorës dhe të Elbasanit, për një sipërfaqe prej rreth 34 001.9 m2 truall, me vlerë të përgjithshme 307. 395. 710.4 lekë. Masa e shpërblimit është përcaktuar në përpjesëtim të drejtë me sipërfaqen e parcelës ndërtimore të zënë nga objekti pa leje. Këshilli i Ministrave miratoi edhe kalimin e pronësisë së disa parcelave ndërtimore në favor të poseduesve të objekteve informale.
Për 2001 parcelat e objekteve informale, që me këtë vendim, bëhet kalimi i pronësisë së truallit me sipërfaqe të përgjithshme prej 414 222.90 m2, janë kryer nga ALUIZNI, në përputhje me kriteret ligjore, procedurat e përditësimit në terren, plotësimi i dokumentacionit tekniko-ligjor, si dhe kualifikimi për legalizim.
(sg/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

15 Janar, 18:35