LETONI - Partizani fitoi dje 1-2 në transfertë kundër Valmiera, në ndeshjen e parë të turit të tretë të Conference League. Kampionët e Shqipërisë përmbysën ndeshjen në Riga të Letonisë, duke shënuar me Carën dhe Rrapajn.
Pas ndeshjes foli trajneri i të kuqve, Zoran Zekic. Kroati tregoi mangësitë e pjesës së parë të lojës dhe thotë se po mendon për ndeshjen e kthimit. Një rezultat pozitiv të enjten e 17 gushtit në "Elbasan Arena", do bënte që Partizani të shkonte në play-off e Conference League.
Veç këtij dueli, Partizani luan nesër në 20:00 kundër Romës, miqësoren e luksit që zhvillohet në "Air Albania".
- Opinioni juaj për ndeshjen dhe sa e rëndësishme do jetë mungesa e Mehmetit?
Mehmeti ishte nga më të mirët sot. Do na mungojë patjetër. Sigurisht kemi lojtarë që do e zëvendësojnë. Ka përfunduar vetëm ndeshja e parë, kemi dhe tjetrën për të luajtur. Ndeshja me Romën luhet pas dy ditësh, do ketë hapësira për lojtarët që s'kanë pasur minuta. Por që sot po mendojmë për Valmierën.
- Si ju duk kundërshtari sot dhe çfarë ndryshoi për mirë në pjesën e dytë?
E thashë dhe dje në konferencën para ndeshjes, kam respekt për ekipin e Valmierës. Sot ndodhën situata të papritura, ishim dobët me kontaktin, nuk luajtëm mirë në rastet kur nuk e kishim topin. Por falë Zotit, Valmiera nuk e shënoi një gol të dytë pasi do kishte qenë problem i madh. Jam i lumtur për fitoren, por nuk e gënjej veten. Kemi mangësi që duhet t'i përmirësojmë në vazhdim.
- Çfarë mendoni për paraqitjen e Kocijanit dhe një mendim për tifozët?
Në fillim do flas për tifozët. Udhëtim i gjatë për ta, jemi të lumtur që i kemi afër, qofshin 10, 5 apo 1000. Duhet t'i respektojmë e të shijojmë çastet e mira me ta. Kocijan nuk është aty ku duhet me përshtatjen. Lojtarë si ai ka dhe të tjerë që po mësohen me idetë e reja, ekipin. Shpresojmë me punë të jemi çdo ndeshje e më mirë.
Lajme të tjera
-
Conference League/ Chelsea shënon 8 gola dhe vendos rekord, sulmuesi shkodran në fushë! Fiorentina e pëson në Qipro
8 Nëntor, 09:11 -
Dinamo 'tërbon' AF Elbasanin, i shënon pesë gola! Partizanit i ikën fitorja në limite, Teuta e barazon në kryeqytet
5 Nëntor, 08:41 -
Renditja/ Vllaznia mposht 3-4 Tiranën, 'Fanatics' dëmtojnë tre lojtarët shkodranë! Laçi befason 2-0 Egnatian, 'arratiset' Partizani
30 Tetor, 16:19 -
Serbët e Superligës dhe Serbia si 'mollë e ndaluar' për shqiptarët e sportit
30 Tetor, 12:52
-
Superliga luan sot tre ndeshje, në Korçë përballje serbësh! 'Klasikja' degdiset në Lushnje
30 Tetor, 09:54 -
Gvozdenovic me mungesa 'kërcënon' Partizanin: Respekt, por jemi Skënderbeu
29 Tetor, 14:30 -
Transferta kundër Skënderbeut, Veselinovic: Partizani ka synim tri pikët, kemi mungesa
29 Tetor, 14:04 -
Partizani në krye edhe me barazim, Brdaric: Të vjen keq si Vllaznia pësoi golin! Zbulohet axhenda e javës së 11
28 Tetor, 15:06 -
Renditja/ Partizani barazon 2-2 në Shkodër dhe mban kreun, Skënderbeu me dhjetë lojtarë ndal AF Elbasanin! Tirana e bën dramë me Laçin
26 Tetor, 21:30 -
Përballë kanë Partizanin, Thomas Brdaric kërkon kreun: Dimë si t'i mundim, Balaj gati për nesër
25 Tetor, 12:21 -
Përballja në Shkodër, flet trajneri i Partizanit: Vllaznia ekip me traditë, e kemi ne në dorë sfidën
25 Tetor, 11:20 -
Conference League/ Chelsea fiton në Athinë, Fiorentina përmbysje 2-4 në Zvicër! Rezultatet e 18 ndeshjeve
25 Tetor, 09:01
