POP 5

Lajmet më të lexuara të 5 minutave të fundit

Arkiva

Misioni i ODIHR: Çertifikimi i
zgjedhjeve është ende i paqartë

Çertifikimi i rezultatit të zgjedhjeve të 23 qershorit mbetet një pikëpyetje për ndërkombëtarët, sidomos për misionin vëzhgues ODIHR, i cili harton raportin final për procesin. Në një intervistë, McCormack zbulon gjithashtu disa nga gjetjet gjatë monitorimit të zgjedhjeve.
Reeker-Nishanit: Zgjedhjet e 23 qershorit, më të mirat në Shqipëri
TIRANE - Çertifikimi i rezultatit të zgjedhjeve të 23 qershorit mbetet një pikëpyetje për ndërkombëtarët, sidomos për misionin vëzhgues ODIHR, i cili harton raportin final për procesin. Në një intervistë për ‘Vizion Plus’ shefja e misionit, amerikania Koni Mek-Kormak, zbulon gjithashtu disa nga gjetjet gjatë monitorimit të zgjedhjeve.

“Situata dhe problematika në KQZ është një çështje shumë e diskutuar, ajo është renditur si një çështje me natyrë politike edhe pse duhet të ishte një çështje administrative, sipas rregullave të caktuara më herët. Unë mendoj se duhet të ketë përmirësime dhe ne do të nxjerrim edhe rekomandime për këtë çështje. Por duke u ndalur tek momenti aktual, certifikimi i rezultatit është ende i paqartë sesi do të ecë para, sepse siç dihet nga të gjithë ka një kërkesë ligjore për shumicë të cilësuar prej 5 votash që ende nuk ekziston në kompozimin aktual të KQZ", thotë Koni Mek-Kormak.

Vëzhguesit e huaj nënvizojnë se procesi i numërimit të votave mund të ishte shumë më i shpejtë dhe transparent. Zonja Mek-Kormak shton se ndër rekomandimet që do tu ofrohen palëve, është rishikimi i Kodit në këtë aspekt.

 “Ka disa rrugë për të përshpejtuar procesin, i cili ishte transparent deri diku, por grupet e numërimit të votave e ndërprenë punën pa ndonjë arsye të fortë dhe kjo duhet riparë edhe në Kod”, shprehet Koni Mek-Kormak.

Në javën e fundit në Tiranë, shefja e ODIHR po mbyll një tur takimesh konsultuese me liderët e partive kryesore politike, fitues apo humbës në garën e 23 qershorit. Ndërsa komunikimi i fundit dhe më i shumëpritur për palët është raporti final, i cili publikohet 8 javë pas mbajtjes së zgjedhjeve.  “Pas 11 procesesh elektorale që monitorohen nga ODIHR në Shqipëri ka përmirësime, dhe ato do të jenë pjesë edhe e raportit final”, ka vijuar ajo.

Marrë nga "Vizion Plus"

Redaksia online
(ar.sh/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

U shpall fajtor për rastin 'Stormy Daniels', Trump i tërbuar në rrjetet sociale: Gjueti shtrigash, njerëzit janë me mua

U shpall fajtor për rastin 'Stormy Daniels', Trump i tërbuar në rrjetet sociale: Gjueti shtrigash, njerëzit janë me mua

11 Janar, 07:59