Mitsotakis dhe Erdogan takohen në Stamboll: Sot hodhëm themelet për një epokë më të qetë në marrëdhëniet tona

Kryeministri grek Kyriakos Mitsotakis dhe presidenti turk Rexhep Tayyip Erdogan janë takuar sot në Stamboll, një takim që zgjati për rreth 90 minuta.

"Ne kemi shumë për të folur," tha Mitsotakis ndërsa po përgatiteshin të uleshin për drekë

“Ne do të diskutojmë gjithçka”, u përgjigj Erdogan ndërsa theksoi se "ka ende shumë çështje të pazgjidhura"

LEXO EDHE:
Mashtroi për shitjen e një dyqani në Durrës me vlerë 72 mijë euro, ekstradohet nga Greqia 64-vjeçari (EMRI)

Mitsotakis dhe Erdogan ranë dakord që në prill pasi të rindërtojnë të ashtuquajturat “masat e mirëbesimit” në Ankara,  të mbajnë në Selanik në shtator, Këshillin e Lartë të Bashkëpunimit të dy vendeve, ndërsa gjatë kësaj kohe të bashkëpunojnë për krijimin e korridoreve humanitare në Ukrainë.

“Ne sot hodhëm themelet për një epokë më të qetë në marrëdhëniet mes dy vendeve, për përmirësimin e tyre dhe kryesisht për të bashkëpunuar për çështjet e mëdha  në mënyrë që të përballojmë të gjitha sfidat”,  kanë theksuar dy liderët.

Takimi mori një rëndësi të veçantë pasi  Erdogan dy vjet më parë, gjatë krizës së refugjatëve në Evros, kishte deklaruar se nuk donte të ulej në të njëjtën tryezë me kryeministrin grek. Dreka e konsumura mes tyre konsiderohen një lëvizje e një rëndësie të madhe.

Greqia dhe Turqia, aleatë të NATO-s, nuk pajtohen për një sërë çështjesh tepër të rëndësishme që nga hapësira ajrore, kufijtë  detare në Mesdheun lindor, emigracioni  dhe çështja qipriote, ndërsa shtojnë çdo vit buxhetet dhe arsenalin e tyre ushtarak.

TAG:
• erdogan
• Mitsotakis
• greqi
• turqi