Mjafton Douglas Costa,Juvja mund
Genoan, humbet Liverpool

Juventusi mposht 1-0 Genoan në Allianz Stadium dhe vijon të ndjekë Napolin kryesues hap pas hapi që është vetëm 1 pikë larg. Në ndeshjen e luajtur mbrëmjen e djeshme që mbylli javën e 21-të të Serisë A golin e fitores e shënoi braziliani Douglas Costa në minutën e 16-të pas një pasimi nga Mandzukic.

Në Premier League Liverpool pëson një humbje surprizë në ndeshjen e fundit të javës së 24-të në Uells. Vendasit e Swansea mposhtën të besuarit e Jurgen Klop 1-0 falë një goli të shënuar në pjesën e parë nga Mawson. Në fraksionin e dytë Salah me shokë provuan të paktën për të barazuar por nuk ia arritën dot. Swansea i vendit të fundit mundi Liverpool në Monday Night.

Ndërkaq sa i përket merkatos dy lëvizje të rëndësishme u bënë në Premier League gjatë ditës së djeshme. Ashtu siç pritej kiliani Alexis Sanchez ka kaluar nga Arsenali tek Manchester United ku do mbajë fanellën me numrin 7-të.

Në intervistën e tij të parë si lojtar i United Sanchez ka thënë se që kur ishte i vogël ëndrra e tij ishte që të luante tek Manchesteri. Ndërsa nga United tek Arsenal ka kaluar armeni Henrik Mkhitaryan i cili deklaron se kalimi tek topçinjtë është një ëndërr e bërë realitet.

d.c./shqiptarja.com