DURRËS- Mjekët dhe personeli mbështetës i Drejtorisë së Shëndetit në Durrës kanë protestuar mëngjesin e së mërkurës para institucionit. Ata kërkojnë shpërblim në bazë të vendimit të qeverisë për mjekët e vijës së parë në luftën anti-Covid. Po kështu shprehen se nuk janë paguar as për orët shtesë, gjatë kohës së tërmetit.
"Nga 26 nëntori deri më tani janë të gjitha ditët e pushimit, ditët e festave që nuk janë marrë dhe orët jashtë orarit. Përveç këtyre edhe këta të COVID-it, që kanë punuar më parë që duhet të merrnin shpërblimin s'e kanë marrë. Shërbimi epidemiologjisë dhe laboratori mikrobiologjik e kanë të cilësuar nga kryeministri që duhet të përfitojnë se janë gjithë ditët në vijën e parë me koronavirusin", tha Zija Alhysa kreu i sindikatës së shëndetësisë.
Kreu i sindikatës, tha se drejtoresha Aurora Hyka ka bërë diferencime në trajtimin financiar të personelit në Drejtorinë Rajonale të Shëndetësisë së Durrësit. "Nuk zbatohet asnjë urdhër e ministres nga drejtoresha jonë, u bë lista, u bë e fshehtë, lista që kanë marrë shpërblim është bërë e fshehtë pa marr vesh asnjë njeri, nuk na bëhet me dije fare, as nuk e dimë se kush e kanë marrë", shtoi ai. Shqetësim për situatën e krijuar shprehu dhe mjeku epidemiolog, Nestor Memsuri.
![](https://shqiptarja.com/template/img/NO_ALFA_Kuadrate shqiptarja.png)
"Kemi dalë për mos organizim të punë, mos respektim të etikës dhe punës", tha Nestor Memsuri, mjek.
Mjekët epidemiologë të Durrësit janë në vijën e parë të frontit të luftës anticovid. Ata kanë marrë dhe analizuar rreth 2 mijë tamponë deri më tani si dhe kanë mbikëqyrur të karantinuarit në hotele. Megjithatë, theksojmë se në sqarimin që kryeministri Edi Rama u bëri mjekëve të Lezhës, të cilët njëjtë si në Durrës dolën në protestë për shpërblim, ai ka thënë se u referohet vetëm bluzave të bardha në dy spitale COVID, te Infektivi dhe "Shefqet Ndroqi". Gjithashtu përfitojnë vetëm mjekët dhe infermierët që shkojnë për vendosjen e tamponëve që marrin analizat tek zona e blinduar e infektivit, sanitarët dhe shoferët e ambulancave.
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Do ta bejne marrveshjen qe te ruajne pasurite qe kane marr “hua” nga shqiperia. E jo nga xhepat e shqiptareve, se na keqkupton Mona.
Përgjigju